4chan
4chan — inglizcha imageboardlardan tarkib topgan veb-sayt. Yaponcha Futaba Channel degan saytg asoslanib yaratilgan. 2003-yili 1-oktabrda ishga tushirilgan bu sayt avvalboshda asosan anime va mangaga oid bahslashuvlar uchun moʻljallangan edi. Hozirda esa saytning mashhurligi keskin koʻtarilib (bir vaqtning oʻzida 20 mingdan ortiq odam kiradi), muloqot mavzulari turli-tuman boʻlib ketgan. Saytda roʻyxatdan oʻtish talab etilmaydi, xabarlar anonimlarcha yoziladi.
| 4chan | |
|---|---|
 | |
 4chan bosh sahifasi (3-avgust, 2008) | |
| Tijoratmi | Ha |
| Sayt turi | Imageboard |
| Qaysi tillarda | Inglizcha |
| Muassisi | "moot" |
| Ochilgan sanasi | 1-oktabr, 2003[1] |
| URL | 4chan.org |
Tarixi
tahrir4chan Nyu-Yorklik "moot" (mut) laqabli 15-yashar talaba tomonidan 2003-yil oktabrida ishga tushirilgan. Mootning asl ismi noaniq, baʼzi manbalarda Christopher Poole (Kristofer Pul), deb koʻrsatiladi.[2]
Tuzilishi
tahrir4chan 35 ta imageboard (tasvir taxtasi), 19 ta textboard (matn taxtasi), bitta oekaki va bitta flash taxtalaridan iborat. Har bir taxtaning qisqa nomi bor, masalan /a/ — anime, /mu/ — musiqa uchun va hokazo. Ulardan eng mashhuri /b/ (random; tasodifiy, aralash-quralash) taxtasidir. Qatʼiy qoidalardan xoli /b/ taxtasida koʻplab internet-memlar tugʻilgan.[3][4]
Manbalar
tahrir- ↑ Welcome, 4chan.org
- ↑ Modest Web Site Is Behind a Bevy of Memes, The Wall Street Journal
- ↑ Taking the Rick, The Guardian
- ↑ Cute felines with captions become an Internet fad (Wayback Machine saytida 2015-05-31 sanasida arxivlangan), The Advertiser