Abdulla Alaviy

Abdulla Alaviy (1903, Piskent — 1931.7.1, Samarqand) — shoir, adabiyotshunos. Leningraddagi Sharq tillari institutida tahsil koʻrdi va shu oʻquv yurtida (1924—1927), Samarqanddagi Pedogogika akademiyasida (1927—1930) dars berdi. Alaviy barmoq vazniga asoslangan oʻzbek sheʼriyatining badiiy imkoniyatlarini kengaytirdi, oʻzbek adabiyotidagi sochma (erkin) sheʼr boshlovchilardan biri boʻldi. Pskent tumanining Evalak qishlogʻida istiqomat qilgan Berdi baxshi ogʻzidan „Alpomish“ dostonini yozib olgan (1926).