Adirna

Adirna (usmonli turkcha: اَدِرنه; turkcha: Edirne) – Turkiyaning gʻarbiy qismidagi shahar. Adirna elining maʼmuriy markazi. Aholisi 119,3 ming kishi (2000). Transport yoʻllari chorrahasi, Qishloq xoʻjaligi rayonining (gʻalla va boshqalar) savdo markazi. Oziq-ovqat, ip gazlama sanoati korxonalari mavjud. Shaharga, taxminlarga koʻra, frakiylar tomonidan Odris nomi bilan asos solingan. Miloddan avvalgi IV asrdan II asr oʻrtalarigacha qadimiy Makedoniya mustamlakasi bolgan. Oʻsha vaqtdan Rim bosib olgan. Milodiy 125-yilda Rim imperatori Adrian tomonidan qayta qurilib, uning sharafiga Adrianopol deb nomlangan. IV asr oxiri – XIV asr oʻrtalarigacha Vizantiya tarkibida boʻlgan. XIV asrning 60-yillarida Usmonli turk saltanati qoʻl ostiga oʻtgan. 1453-yilgacha Usmonli turk saltanati poytaxti. Meʼmoriy yodgorliklardan XV—XVII asrlarga oid masjidlar sakdangan.

Adirna turkcha: Edirne
41°40′22.94″N 26°34′25.00″E
Mamlakat	Turkiya
Adirna