Afrikaans
Afrikaans (afr.: Afrikaans), bur tili — hindevropa tillari oilasidagi german tillaridan biri (gʻarbiy german guruhchasi). JARning rasmiy tili (ingliz tili bilan birga). Asosan, JARning Transvaal, Oranj, Kap viloyatlarida, shuningdek, Namibiya, Zambiyada va boshqa qoʻshni mamlakatlarda tarqalgan. Soʻzlashuvchilarning umumiy soni 6 mln. kishiga yaqin (1980-yillar oxiri; 1990-yillar oxirida bu miqdor birmuncha kamaygan).
| Afrikaans | |
|---|---|
 | |
| Milliy nomi | Afrikaans[1] |
| Mamlakatlar | JAR[2], Botsvana[3], Namibiya[4], Zambiya va Zimbabve |
| Soʻzlashuvchilarning umumiy soni | 7 200 000 va 10 300 000 |
| Alifbosi | Lotin alifbosi |
| Til kodlari | |
| ISO 639-1 | af[5] |
| ISO 639-2 | afr[5] |
| ISO 639-3 | afr[5] |
Afrikaans 17-asrda niderland tilining baʼzi lahjalari bilan nemis va ingliz tillarining hamda gottentot, bush-men, bantu kabi mahalliy tillarning oʻzaro yaqinlashuvi va aralashib ketishi jarayonida yuzaga kelgan. A.ning muhim belgisi uning hududiy lahjalarga boʻlinmaganligidir. Oʻziga xos xususiyatlari XVII asr oxirlarida Kap viloyati davrida shakllangan. XVII asrda va XIX asrning 1-yarmida faqat ogʻzaki soʻzlashuv tili sifatida amalda boʻlgan. Afrikaansda yozilgan dastlabki asarlar XIX asrning 70-yillaridagina paydo boʻlgan. Afrikaans 1925-yildagina rasmiy til maqomiga ega boʻlgan — Janubiy Afrika Ittifoqining davlat tili deb eʼtirof etilgan.
Fonetik tizimi va leksikasi asosan niderland tili taʼsirida shakllangan; mahalliy afrika tillaridan oʻzlashgan soʻzlar ozchilikni tashkil etadi.
Adabiyot
tahrir- M i ronov S. A., Yazik afrikaans. M., 1969.
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |