Agrometeorologik yilnoma
Agrometeorologik yilnoma — muayyan hududdagi agromete-orologik stansiya va postlarning kuzatish natijalari jamlangan yillik maʼlumotlar toʻplami. Koʻpgina mamlakatlarda gidrometeorologiya boshqarmalari tomonidan nashr qilinadi. Agrometeorologik yilnomada tuproq haydalma qatlamining bahor va qish fasllaridagi harorati, kuzgi ekinlar eqilgan maydonlardagi qor qoplamining qalinligi, ekin eqilgan maydonlarda tuproqning namlanish darajasi, qishloq xoʻjaligi ekinlari rivojlanishining asosiy davrlari boshlanadigan kunlar, kuzatish maydonchalaridagi agrotexnika, olingan hosil haqidagi maʼlumotlar va boshqa jadval koʻrinishida beriladi. Agrometeorologik yilnomada ayrim umumiy meteorologik maʼlumotlar: oʻrtacha oʻn kunlik havo harorati, 5, 10 va 15° dan yuqori boʻlgan samarador haroratlar yigʻindisi, qish fasli va vegetatsiya davridagi meteorologik sharoitlar tavsifi, jumladan noqulay ob-havo hodisalari haqida maʼlumotlar ham keltiriladi. Bundan tashqari Agrometeorologik yilnoma yilning agrometeorologik sharoiti haqidagi qisqa sharhni ham oʻz ichiga oladi. Asosiy meteorologik maʼlumotlar oylik agrometeorologik toʻplamlarda ham nashr etiladi.
Adabiyotlar
tahrir- OʻzME. Birinchi jild. Toshkent, 2000-yil
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Bu andozani aniqrogʻiga almashtirish kerak. |