Aleksandr Glazov

Aleksandr Glazov ( latishcha: Aleksandrs Glazovs) (1970-yil 30-aprel) - latviyalik futbolchi, himoyachi va yarim himoyachi ampulasida oʻynaydi, futzalchi. U futbol va mini-futbol boʻyicha Latviya milliy terma jamoasida oʻynagan.

Biografiyasi

Riga SDYUSSHOR tarbiyalanuvchisi. Kattalar jamoasida Aleksandr 1988-yilda RAF klubida (Jelgava) oʻynay boshlagan, toʻrt mavsumni SSSR ikkinchi va ikkinchi quyi ligalarida oʻtkazgan. Shuningdek, ushbu davrda u KFK oʻrtasidagi Latviya va Estoniya SSR chempionatlarida LSSR yoshlar jamoasida, Pardaugava, Zvezda (Tallin) klublari safida ijara asosida toʻp surgan.

SSSR parchalanganidan keyin u Latviya Premyer-ligasida "Pardugava" (Riga), "Vidus" (Riga), RAF (Jelgava), "Vilan-D"/" Dinaburg " (Daugavpils) klublarida oʻynagan. Gauja "(Valmiera), "FK polis" (Riga) jamoalari tarkibida ijara asosida oʻynagan. 1994-yilda Jelgava klubi tarkibida milliy chempionatning kumush medali sovrindori bo'lgan. Daugavpils klubi tarkibida u uchta medalni qo'lga kiritgan - 1995-yilda kumush, 1996 va 1997-yillarda esa bronza medaliga sazovor bo'lgan. 1997-yilgi Latviya kubogi finalchisi hisoblandi. aleksandr Latviya oliy ligasida jami 111 ta o‘yin o‘tkazib, 3 ta gol urgan. Futbolchi Yevropa musobaqalarida qatnashgan.

Aleksandr xorij klublarida ham to'p surgan - 1993-yilda Shvetsiya uchinchi divizionida "Vesteros"da, 1999-yilda esa O'zbekiston oliy ligasida "Nasaf" (Qarshi) jamoalari tarkibida o'ynagan.

U Latviya terma jamoasi safida 1992-yil 12 avgustda Litvaga qarshi jahon chempionati saralash bahsida debyut qilgan. Hammasi bo'lib 1992—1994 yillarda 15 ta o'yin o'tkazgan. 1993-yil Boltiqbo'yi kubogi g'olibligini qoʻlga kiritgan.

Katta futbolni tark etgach, u futzal bilan shug'ullangan, Latviya terma jamoasi tarkibida o'n yildan ortiq o'ynagan.