Anvar Zohidov

Anvar Abdulahadovich Zohidov (Anvar A. Zohidov) (1953-yil 2-mayda tugʻilgan, Toshkent) — sovet va amerikalik olim-materialshunos, fizika-matematika fanlari doktori, Amerika fizika jamiyati aʼzosi (2009), Dallasdagi Texas universiteti qoshidagi Nanotexnologiya instituti direktori oʻrinbosari, ITMO universiteti gibrid nanofotonika va optoelektronika laboratoriyasi hamrahbari. Nanomateryallarning xossalari va amaliy qoʻllanilishini oʻrganish sohasidagi ishlar muallifi^[1].

Tarjimai holi

1975-yilda Toshkent politexnika institutini tamomlagan, SSSR Fanlar akademiyasi Spektroskopiya institutining nazariy boʻlimida ishlagan.
1976-1981-yillarda Moskva viloyati, Troitsk shahridagi SSSR Fanlar akademiyasining Spektroskopiya institutida ishlagan, u yerda 1981-yilda „Zaryad-uzatuvchi eksitonlar va elektron-qoʻzgʻalish komplekslari spektroskopiyasi“ mavzusida nomzodlik dissertatsiyasini himoya qilgan va fizika-matematika fanlari nomzodi ilmiy darajasini olgan^[2].
1981-1984-yillarda Oʻzbekiston SSSR Fanlar akademiyasi Ilmiy asboblar markazida yetakchi ilmiy xodim boʻlgan.
1984-1986-yillarda Oʻzbekiston SSR Fanlar akademiyasi Yadro fizikasi institutida yetakchi ilmiy xodim, 1986-1988-yillarda laboratoriya mudiri boʻlgan.
1990-1995-yillarda Osaka universiteti (Yaponiya) elektronika kafedrasi, Molekulyar fanlar institutining qattiq jismlar kimyosi laboratoriyasi (Okazaki, Yaponiya) va Molekulyar spektroskopiya instituti (Boloniya, Italiya) professori boʻlgan.
1996-yildan „Honeywell“ kompaniyasida tadqiqotchi olim.
2001-yilda Rey Boman bilan birgalikda Dallasdagi Texas universitetiga nanotexnologiya markazini yaratish uchun taklif qilindi, u yerda shu kungacha ishlaydi, 2002-yilda professor unvonini olgan.
2005-yilda Anvar Zohidov nanomateriallar ishlab chiqarishga va quyosh energetikasi sohasida konsalting xizmatlarini koʻrsatishga ixtisoslashgan „Solarno” kompaniyasining asoschisi va prezidenti boʻlgan.
2016-yilda ITMO universitetining Nanofotonika va materiallar kafedrasi gibrid nanofotonika va optoelektronika laboratoriyasining hamrahbari boʻlgan^[3]..

Nanomateryallarning xossalarini oʻrganish sohasidagi eksperimental ishlarning muallifi. Nazariy jihatdan bashorat qilingan va keyin eksperimental ravishda fotoinduktsiyalangan zaryadning fulleren C60 dan konyugatsiyalangan polimerlarga oʻtishini (bu jarayon quyosh batareyalarida qoʻllanadi) koʻrsatib bergan. Birinchi boʻlib fullerenlarning oʻtkazuvchan polimerlar va ishqoriy metallar bilan komplekslarini sintez qilgan va ularning oʻta oʻtkazuvchanligini oʻrgangan.

Uglerod nanotubalari, elektr oʻtkazuvchan polimerlar, quyosh energiyasi uchun materiallar va tegishli sohalar boʻyicha nashrlar muallifi.

Tadqiqotlari

Ilmiy izlanishlar natijasida professor Anvar Zohidov fizika faniga bir qancha muhim hodisalarni kashf etgan va yangi atamalarni taklif qilgan. Nazariy jihatdan bashorat qilingan fotoinduktsiyalangan zaryadning konyugatsiyalangan polimerdan (donor vazifasini bajaradi) C60 fullerenga (akseptor vazifasini bajaradi) oʻtishini va birinchi marta Yesino va Morita bilan birgalikda bu hodisani eksperimental ravishda isbotladi. Nazariy jihatdan, organik moddalardagi eksitonlarning zaryadga bogʻliq holatini bashorat qilgan; elektron-eksiton komplekslarida bu aloqa eksperimental tarzda oʻrnatilgan^[4].

Mukofotlari va yutuqlari

2018-yil — Scopus Award Russia.
2009-yil — Amerika jismoniy jamiyati aʻzosi.
2008-yil — Ilmiy kashfiyot uchun P.L.Kapitsa nomidagi oltin medal.
2006-yil — Rossiya Tabiiy fanlar akademiyasining a’zosi etib saylangan.
2005-yil — Nano-50 Award.
2003-yil — Osiyolik-amerikalik yil muhandisi.
1992-yil — Italian Consorcia „Materiallarning fizikasi“ Fellowship
1990-yil — Fan, ta’lim va madaniyat vazirligi stipendiyasi.

Manbalar

↑ „Публикации: Анвар Абдулахадович Захидов — Лаборатория гибридной нанофотоники и оптоэлектроники“. 2021-yil 16-yanvarda asl nusxadan arxivlangan. Qaraldi: 2020-yil 26-dekabr.
↑ Захидов, Анвар Абдулахадович — Спектроскопия экситонов с переносом заряда и электрон-экситонных комплексов : диссертация кандидата физико-математических наук : 01.04.05 — Москва, 1981. — 138 с. : ил. Оптика OD Дк 82-1/258
↑ „Мегагранты-2016: Университет ИТМО получит 90 млн рублей на развитие гибридных материалов для нового поколения оптоэлектроники“. 2021-yil 14-mayda asl nusxadan arxivlangan. Qaraldi: 2020-yil 26-dekabr.
↑ „Мегагранты — программа международного сотрудничества: Захидов Анвар Абдулахадович“. 2021-yil 18-yanvarda asl nusxadan arxivlangan. Qaraldi: 2020-yil 26-dekabr.

Havolalar

[1] „Публикации: Анвар Абдулахадович Захидов — Лаборатория гибридной нанофотоники и оптоэлектроники“. 2021-yil 16-yanvarda asl nusxadan arxivlangan. Qaraldi: 2020-yil 26-dekabr.

[2] Захидов, Анвар Абдулахадович — Спектроскопия экситонов с переносом заряда и электрон-экситонных комплексов : диссертация кандидата физико-математических наук : 01.04.05 — Москва, 1981. — 138 с. : ил. Оптика OD Дк 82-1/258

[3] „Мегагранты-2016: Университет ИТМО получит 90 млн рублей на развитие гибридных материалов для нового поколения оптоэлектроники“. 2021-yil 14-mayda asl nusxadan arxivlangan. Qaraldi: 2020-yil 26-dekabr.

[4] „Мегагранты — программа международного сотрудничества: Захидов Анвар Абдулахадович“. 2021-yil 18-yanvarda asl nusxadan arxivlangan. Qaraldi: 2020-yil 26-dekabr.

[1]

[2]

[3]

[4]