Astroiqlim – Joy va iqlimning astronomik kuzatishlarga taʼsiri. Biror joyning Astroiqlim ini oʻrganishda teles-kopik kuzatishlar olib borib, kechalari yulduzning miltillashi, osmonning tiniqligi va yoritilganligi, kunduz kunlari esa Quyosh diski chetining yoki Quyosh dogʻining tebranish darajasi aniqlanadi. Kunduzi atm.ning tiniqligi G. A. Tixovning besh balli shkalasi boʻyicha topiladi. Astroiqlimni oʻrganishda joyning kamida bir yillik meteorologik sharoiti, jumladan, bulutsiz kechalarning soni, shamolning yoʻnalishi va tezligi, temperaturaning sutkalik, oylik va yillik oʻzgarishlari tekshiriladi. Oʻzbekistonda Toshkent, Chimyon, Kitob, Taxtaqoracha, Navgarzon va Fargʻona vodiysidagi bir qancha joylarning Astroiqlimi oʻrganilgan[1].
- ↑ OʻzME. Birinchi jild. Toshkent 2000-yil
