Butanda viza siyosati

Butan Qirolligiga sayohat mamlakatning noyob jamiyati va atrof-muhitiga tashrif buyuruvchilarning salbiy taʼsirini minimallashtirish uchun „yuqori qiymat, kam hajm“ turizm siyosati ostida yuqori darajada tartibga solinadi. Butan siyosati mamlakatga bir vaqtning oʻzida faqat maʼlum miqdordagi sayyohlarning kirishini taʼminlaydi, bu esa mamlakatni ommaviy turizm manziliga aylanishiga va shu bilan uning sayyohlik xarakterini oʻzgartirishiga yoʻl qoʻymaydi, kam hajmli kelgan sayyohlar esa oʻz tashriflaridan eng yaxshi tajriba hamda qadriyatlarni oladilar.

2002-yilda Butanda berilgan viza

Viza siyosati xaritasi

Butanning viza siyosati

  Butan

  Ruxsat olish talab qilinadi

  Kelgandan keyin viza talab qilinadi

Vizadan ozod qilish

Harakat erkinligi

Hindiston fuqarolaridan Butanga kirish uchun viza talab etilmaydi, chunki Butan va Hindiston oʻrtasidagi 1949-yilgi shartnoma ikki mamlakat oʻrtasida oʻzaro odamlarning erkin harakatlanishiga imkon beradi. 2022-yil 23-sentyabrdan boshlab ushbu harakat erkinligi Phuentsholing, Gelephu va Samdrup Jongkhar chegara shaharlarida sayohat qilish uchun cheklab qoʻyilgan. Ushbu chegara shaharlaridan tashqariga sayohat qilish uchun oldindan ruxsatnomalar kerak boʻladi.

2020-yilning 1-iyulidan boshlab Hindiston, Bangladesh va Maldiv orollaridan tashrif buyuruvchilar Butanga kirishda ruxsat olish uchun bir tunga 1200 BTN miqdorida imtiyozli barqaror rivojlanish toʻlovini toʻlashlari shart etib belgilandi.

Hindiston fuqarolari Butanga havo hamda quruqlik yoʻllari orqali kirishdan oldin ruxsat olishlari kerak va Butanga kirish uchun quyida koʻrsatilgan har qanday qabul qilinadigan hujjatlardan foydalanishlari mumkin:

• Hindiston pasporti
• Fotosurat bilan saylovchilarning guvohnomasi

Kirishda viza

Quyidagi mamlakatlar fuqarolari Butanga kelganlarida vizani olishlari mumkin:

Bangladesh Maldiv

Diplomatik, xizmat va rasmiy pasportlar

Quyidagi davlatlarning diplomatik yoki rasmiy pasportlari egalari kirish portiga yetib kelganlarida vizani olishlari mumkin boʻladi:

Shveysariya (90 kun) Tailand (90 kun)

Viza oldindan talab qilinadi

Butanga tashrif buyuruvchi barcha chet elliklar (Bangladesh va Maldiv orollari fuqarolaridan tashqari) viza olishlari kerak, Hindiston fuqarolari esa Butanga tashrif buyurishdan oldin ruxsat olishlari kerak va Butanga faqat Phuntsholing, Gelephu va Samdrup Jongkhardan quruqlik orqali yoki Paroga havo yoʻli orqali kirishlari mumkin. Agar Hindiston fuqarolarining ruxsat olishi maʼqullansa, ularga vizani rasmiylashtirish xati beriladi va uni kirish portida taqdim etishlari kerak boʻladi. Keyin viza ularning pasportiga muhrlanadi. Har bir turar joy uchun kunlik barqaror rivojlanish toʻlovi (SDF) ham olinadi. Bu barcha chet ellik sayyohlar uchun bu kuniga 200 dollarni tashkil qiladi, Hindiston fuqarolari esa bir kecha uchun 1200 ngultrum yoki hind rupiyasidagi ekvivalent miqdoridagi pulni toʻlaydilar.

Sayohat vaqtida 6 yoshdan 12 yoshgacha boʻlgan bolalar barqaror rivojlanish toʻlovi uchun 50 % imtiyozli chegirmaga ega. 5 yoki undan kichik yoshdagilar esa toʻlovdan ozod qilinadi.

Hindiston bilan chegaradosh Butan shaharlariga bir kunlik tashrif buyuruvchilar ham Butan hukumati tomonidan belgilangan nuqtaga yetib borgunlaricha barqaror rivojlanish toʻlovini toʻlashdan ozod qilinadilar.

Liberallashtirish boʻyicha takliflar

2009-yilda Butan hukumati turizm boʻyicha siyosatini qayta koʻrib chiqish uchun McKinsey konsalting kompaniyasini yolladi. McKinsey kompaniyasining turizmni tartibga solishni bekor qilish va cheksiz miqdordagi chet ellik sayyohlarning mamlakatga kirishiga ruxsat berish rejasi bosh vazir hamda vazirlar mahkamasi tomonidan oldindan maʼqullangan, biroq oxirida mamlakatda keng tarqalgan qarshilik tufayli rad etilgan. Kanadalik olim Kent Schroederning soʻzlariga koʻra, „McKinsey tomonidan berilgan liberallashtirish taklifining bekor qilinishi xususiy sektor va fuqarolik jamiyatidagi koʻpchilik uchun muhim gʻalaba boʻldi“.

Statistikasi

Butanga kelgan mehmonlarning aksariyati quyidagi millat vakillari edi:

No.	Mamlakat yoki hudud	2019-yil	2018-yil	2017-yil	2016-yil	2015-yil	2014-yil	2013-yil	2012-yil
1	Hindiston	230,381	191,836	172,751	114,301	―	―	―	―
2	Bangladesh	13,016	10,450	10,536	7,753	―	―	―	―
3	AQSh	11,707	10,561	9,220	7,292	7,137	7,291	6,997	6,102
4	Xitoy	7,564	6,878	6,421	9,208	9,399	8,111	4,827	3,816
5	Singapur	4,744	3,886	4,129	3,015	2,587	1,720	2,051	1,611
6	Birlashgan Qirollik	4,241	3,585	3,246	3,124	2,958	2,680	2,309	2,491
7	Tailand	4,086	3,886	4,047	4,177	3,778	12,105	3,527	3,617
8	Germaniya	3,375	3,422	2,970	2,297	2,498	2,971	2,770	2,895
9	Avstraliya	3,153	2,739	2,249	1,818	1,833	2,037	2,062	1,950
10	Yaponiya	3,010	2,674	2,744	4,833	2,437	2,707	4,035	7,029
11	Malayziya	2,761	3,140	2,956	1,967	1,546	2,067	2,054	1,312
12	Vyetnam	2,072	1,961	1,423	―	―	―	―	―
13	Fransiya	1,953	1,773	1,545	1,501	1,563	1,636	1,572	1,863
14	Kanada	1,870	1,807	1,524	1,110	―	―	―	―
15	Ispaniya	1,659	1,397	1,142	―	―	―	―	―
16	Tayvan	1,496	1,491	1,812	―	―	―	―	―
17	Shveysariya	1,379	1,352	―	―	―	―	―	―
18	Italiya	1,229	978	―	―	―	―	―	―
19	Indoneziya	1,033	―	―	―	―	―	―	―
20	Niderlandiya	757	―	―	―	―	―	―	―
	Boshqalar	20,007	―	―	―	―	―	―	―
	Jami	315,599	274,097	237,529	209,570	155,121	133,480	116,209	105,407