Choliqushi

„Choliqushi“ (turkcha: Çalıkuşu) – turk yozuvchisi Reşat Nuri Güntekin qalamiga mansub roman. Ilk bor 1922-yil chop etilgan. Asarda yosh oʻqituvchi Farida va uning Komronga boʻlgan muhabbati haqida hikoya qilinadi.

Choliqushi

Asl nomi	Çalıkuşu
Muallif(lar)	Reşat Nuri Güntekin
Tarjimon(lar)	Mirzakalon Ismoiliy
Til	turkcha
Janr(lar)i	roman
Nashr etilgan sanasi	1922
Nashriyot	Gʻafur Gʻulom nomidagi adabiyot va sanʼat nashriyoti
Oʻzbek tilida nashr etilgan sanasi	1968 1988
Sahifalar soni	420 (1968) 395 (1988)
ISBN	ISBN 5-635-00038-X 1988

Romanni oʻzbek tiliga Mirzakalon Ismoiliy tarjima qilgan. Asar oʻzbek tilida bir necha marta nashr qilingan.

1966-yil „Choliqushi“ asosida film suratga olingan. 1986- hamda 2013-yillarda esa asar asosida teleserial olingan. 1986-yilgi serial „Oʻzbektelefilm“ kinostudiyasida oʻzbek tiliga dublyaj qilingan.

Syujeti

Romandagi voqealar Birinchi jahon urushi arafasida yuz beradi. Asarning bosh qahramoni Feride ota-onasining vafotidan soʻng, hayotda turli qiyinchiliklarga duch keladi. Feride oʻz xolasining oʻgʻli Kamronni sevib qoladi. Kamron ham uni sevadi, ammo oilaviy sharoitga koʻra ular birga boʻla olmaydilar. Feride oʻqituvchi boʻlib ishlash uchun chekka qishloqqa ketadi. Asar soʻnggida ikki yosh nihoyat bir-biriga yetishadi.

Qahramonlari

• Farida (Choliqushi) (turkcha: Feride (Çalıkuşu)) — bosh qahramon
• Komron (turkcha: Kâmran) — Faridaning sevgilisi
• Basima (turkcha: Besime) — Faridaning xolasi, Komronning onasi
• Mujgon (turkcha: Müjgan) — Faridaning xolavachchasi
• Oysha (turkcha: Ayşe) — Faridaning xolasi, Mujgonning onasi
• Munisa (turkcha: Munise) — Faridaning boqib olgan qizi
• Xayrullo (turkcha: Hayrullah) — yoshi keksa doktor
• Sayfuddin (turkcha: Seyfettin) — Komronning otasi

Oʻzbekcha nashr

Romanni oʻzbek tiliga Mirzakalon Ismoiliy tarjima qilgan. Asar oʻzbek tilida bir necha marta, jumlaldan, 1968- hamda 1988- yillarda chop etilgan. Mazkur nashrlar Toshkent shahrida Gʻafur Gʻulom nomidagi adabiyot va sanʼat nashriyotida chop etilgan. Roman oxirida Miad Hakimov soʻngsoʻzi keltirilgan.

Havolalar

• „Choliqushi“ Ziyouz saytida