Churrak (Anas crecca) – oʻrdaklaroilasiga mansub parranda[1]. Ogʻirligi 200–450 g. Oyoq kafti uzun, biroq barmoqlari qisqa. Narining ustki rangi qoʻngʻir kulrang, qorni oq, baʼzan sargʻish. Koʻkragida qora dumaloq dogʻi bor. Boshi va boʻyni mallaqizgʻish, yonidan qorayashil yoʻl oʻtgan. Modasi qoʻngʻir, malla yoki kulrang xolli. Yozgi tullashdan soʻng narining tusi modasiga oʻxshash boʻlib qoladi. Churrak Gʻarbiy Yevropa, Rossiya, Eron, Shimoliy Gʻarbiy Mongoliya, Qozogʻiston, Oʻrta Osiyoda tarqalgan. Suv havzalari kirgʻoqlariga uya quradi; 8–11 ta tuxum qoʻyadi. Tuxumlarini modasi bosadi. Suvda yashovchi umurtqasiz hayvonlar, oʻsimliklar urugʻi, kurtagi va boshqa qismlar bilan oziqlanadi. Goʻshti mazali. Ovchilik katta ahamiyatiga ega.
.png){kind=small}