D 94 yoʻli

D 94, shuningdek, Qirol Salmon bin Abdulaziz al-Saud koʻchasi, Jumeyra yoʻli yoki Jumeyra Beach yoʻli (ilgari al-Sufu yoʻli) – Birlashgan Arab Amirliklarining Dubay shahridagi yoʻl. D 94 yoʻli Dubay qirgʻoqlariga parallel ravishda Fors koʻrfazi boʻylab, shuningdek, E 11 (Shayx Zayd yoʻli) boʻylab Jumeyra hududlarini (Jumeyra 1, 2 va 3) bir-biriga bogʻlaydi. Al-Sufu hududiga kirgandan soʻng, D 94 yoʻli Qirol Salmon bin Abdulaziz al-Saud koʻchasi deb nomlanadi. Yoʻnalish Dubai Maritime City va Dubai Dry Docks yaqinidan oʻtib, janubga burilib, Shayx Zayd yoʻli bilan birlashib, Jumeirah Beach Residencedan keyin tugaydi.

Yoʻnalish boʻylab diqqatga sazovor joylar

D 94 yoʻnalishi boʻylab joylashgan muhim diqqatga sazovor joylarga Dubay Dry Docks, Jumeyra Grand Masjidi, Mercato Mall, Dubay hayvonot bogʻi, Jumeirah Beach Hotel, Wild Wadi suv parki, Burj al-Arab, Madinat Jumeirah va Palm Jumeirah kabilar kiradi.

Yoʻlning Jumeyra qismi 2000-yillarning boshlarida obodonlashtirish va kengaytirish loyihasidan oʻtkazilgan.

Jumeyra va Umm Suqaymni Dubay metropoliteni tarmogʻining qolgan qismi bilan bogʻlash maqsadida D 94 yoʻnalishi boʻylab al-Sufu tramvay yoʻli qurilmoqda.

D 94 yoʻli 2016-yilning sentyabr oyida Saudiya Arabistoni qiroli Salmon ibn Abdulaziz as-Saudning arab dunyosiga qoʻshgan hissasi sharafiga Qirol Salmon bin Abdulaziz al-Saud koʻchasi deya oʻzgartirilgan.