Davlat qurilishi

Davlat qurilishi — konstitutsiyaviy huquq normalari b — n oʻrnatiladigan va mustahkamlanadigan ijtimoiy, iqtisodiy va siyosiy huquqiy munosabatlar tizimi. Davlat qurilishi davlatni tashkil etishning prinsiplarini, uning shakli, siyosiy rejimi va b. elementlarni oʻz ichiga oladi. Hozirgi zamon Davlat qurilishida umuminsoniy qadriyatlar va prinsiplarning tan olinishi, xokimiyatlarning taqsimlanishi, inson huquq va erkinliklari ustuvorligi, xususiy mulk va tadbirkorlikning erkinligi, boshqaruvning demokratik shakllari, oʻzini oʻzi boshqarish va hokazo mustahkamlanadi.