Doktor Dumchevning kashfiyotlari

„Doktor Dumchevning kashfiyotlari“ (ruscha: В стране дремучих трав) — rus yozuvchisi Vladimir Bragin qalamiga mansub ertak-roman. Ilk bor 1948-yil Moskva shahrida „Detgiz“ nashriyoti tomonidan chop etilgan. Bu asar muallifning eng mashhur kitobidir. Asarni oʻzbek tiliga Haydar Ibrohimov tarjima qilgan.

Doktor Dumchevning kashfiyotlari

Asl nomi	В стране дремучих трав
Muallif(lar)	Vladimir Bragin
Tarjimon(lar)	Haydar Ibrohimov
Til	ruscha
Janr(lar)i	ertak-roman ilmiy fantastika
Nashr etilgan sanasi	1948
Nashriyot	„Yosh gvardiya“
Oʻzbek tilida nashr etilgan sanasi	1977
Sahifalar soni	304

Romanda asar qahramoni Sergey Dumchev chumolidek kichrayib qoladi va hashorotlar dunyosiga tushib qoladi. U yerda Dumchev qirq yil yashab, soʻngra Chensk shahriga qaytadi. Asarga ertak-roman deya tavsif berilgan boʻlsa-da, undagi hodisalar ertak emas, balki ilmiy fantastika janridadir.

Oʻzbekcha tarjimasi

„Doktor Dumchevning kashfiyotlari“ni oʻzbek tiliga qayta ishlangan va toʻldirilgan, 1959-yil chop etilgan 2-nashridan Haydar Ibrohimov tarjima qilgan. Oʻzbekcha nashr 1977-yil Toshkent shahrida „Yosh gvardiya“ nashriyotida chop etilgan. Oʻzbekcha nashr oxirida akademik O. I. Oparinning roman haqidagi maqolasi keltirilgan. Oʻzbek tilidagi nashrni tayyorlashda quyidagi shaxslar ishtirok etgan: S. Yunusov – muharrir, T. Gamidov – rassom, Q. Aliyev – rasmlar muharriri, L. Burkina – texnik muharrir, Sh. Shoumarova – musahhih. Kitob adadi – 30 000 nusxa.

Havolalar

• „Doktor Dumchevning kashfiyotlari“ Ziyouz saytida