Dursadaf Kerimova
Dursadaf Muxtor qizi Kerimova (azerb ozarbayjoncha: Dursədəf Muxtar qızı Kərimova, 1985-yil 23-avgust, Boku) – ozarbayjonlik paradzyudochi, Tokio—2020 yozgi Paralimpiya oʻyinlari gʻolibi, koʻzi ojizlar va zaif koʻruvchilar oʻrtasidagi 2019-yilgi Yevropa chempionati kumush medali sovrindori, koʻzi ojizlar va zaif koʻruvchilar oʻrtasidagi 2022-yilgi Yevropa chempionati bronza medali sovrindori sanaladi.
| Dursadaf Muxtor qizi Kerimova | |
|---|---|
 | |
| Shaxsiy maʼlumotlari | |
| Jinsi | Ayol |
| Tavallud paytidagi ismi | Dursədəf Muxtar qızı Kərimova |
| Fuqaroligi |
 Ozarbayjon |
| Tavallud sanasi |
23-avgust 1985-yil Boku, Ozarbayjon |
| Sport | |
| Qaysi sport | dzyudo |
| Sport mukofotlari | ||
|---|---|---|
| Paralimpiya oʻyinlari | ||
| Oltin | Tokio 2020 | 70kg dan ortiq |
| Yevropa chempionati | ||
| Kumush | Genuya 2019 | 70kg dan ortiq |
| Oltin | Genuya 2019 | jamoa |
| Bronza | Kalyari 2022 | 70kg dan ortiq |
Tarjimai hol
tahrirDursadaf Kerimova 1985-yil 23-avgustda Boku shahrida tugʻilgan. 2000-yilda Boku shahridagi 115-sonli oʻrta maktabni tamomlab[1], oʻsha yilning oʻzidayoq Tbilisida dzyudo boʻyicha oʻtkazilgan xalqaro turnirda kumush medalni qoʻlga kiritadi.
2007-yilda Ozarbayjon davlat jismoniy tarbiya va sport akademiyasini bitirgan[1]. Xuddi shu yili u Kaunasdagi turnirda ikkinchi oʻrinni egallaydi.
2008-yilning mart oyida 20 yoshgacha boʻlgan qizlar oʻrtasidagi dzyudo boʻyicha Ozarbayjon chempionatida gʻolib chiqadi. Joriy yilning oktyabr oyida u Jahon kubogida 7-oʻrinni egalladi. Mazkur yili Italiyada oʻtkazilgan „Super A“ xalqaro turnirida birinchi oʻrinni egalladi. 2012-yilda Bokuda boʻlib oʻtgan Haydar Aliyev nomidagi xalqaro Gran-pri turnirida birinchi oʻrinni egallaydi[1].
2013-yilda Dursadaf Ozarbayjon davlat jismoniy tarbiya va sport akademiyasining magistraturaga oʻqishga kiradi[1]. 2013-yil noyabr oyida Kerimova Ozarbayjon chempionatida 70 kg gacha vazn toifasida uchinchi oʻringa oladi.
2014-yilning 1-noyabr sanasidan Boku shahridagi 11-sonli bolalar va oʻsmirlar sport maktabida murabbiy-oʻqituvchi lavozimida ish boshlaydi[1].
2019-yilda Kerimova koʻzi ojizlar va zaif koʻruvchilar oʻrtasidagi Yevropa chempionatida kumush medalni qoʻlga kiritadi[2], shuningdek, Ozarbayjon aralash jamoasi tarkibida Yevropa chempioni boʻladi[3]. Aynan shu yili Toshkentdagi Gran-prida bronza medaliga sazovor boʻladi.
2021-yili Tokiodagi Paralimpiya oʻyinlarida Dursadaf Kerimova chorak finalda ukrainalik Anastasiya Garnikni, yarim finalda braziliyalik Meg Emmerix ustidan gʻalaba qozonadi. Finalda u qozogʻistonlik Zarina Baybatinani magʻlub etib, debyut Paralimpiya oʻyinlarining oltin medalini olishga muvaffaq boʻladi[4].
Ozarbayjon Respublikasi Prezidenti Ilhom Aliyevning 2021-yil 6-sentabrdagi farmoni bilan Tokio shahrida boʻlib oʻtgan XVI yozgi Paralimpiya oʻyinlarida erishgan yuksak yutuqlari va Ozarbayjon sportining rivojlanishiga qoʻshgan xizmatlari uchun Dursadaf Kerimova „1-darajali Vatanga xizmatlari uchun“ ordeni bilan taqdirlandi[5].
2022-yilda Kalyarida oʻtkazilgan Yevropa chempionatida Kerimova bronza medaliga sazovor boʻladi[6].
Manbalar
tahrir- ↑ 1,0 1,1 1,2 1,3 1,4 „Onlar bizi I Avropa Oyunlarında təmsil edəcək“. 2018-yil 9-iyunda asl nusxadan arxivlangan. Qaraldi: 2021-yil 30-avgust.
- ↑ „Genova (Italie) Championnats d'Europe IBSA Seniors 2019“. 2021-yil 6-mayda asl nusxadan arxivlangan. Qaraldi: 2021-yil 30-avgust.
- ↑ „Паралимпийцы Азербайджана сильнейшие в Европе“. 2022-yil 13-mayda asl nusxadan arxivlangan. Qaraldi: 2022-yil 19-mart.
- ↑ „Токио-2020. Керимова выиграла Паралимпиаду, Закиев завоевал бронзу“. 2022-yil 11-martda asl nusxadan arxivlangan. Qaraldi: 2021-yil 30-avgust.
- ↑ „Распоряжение Президент Азербайджанской Республики o награждении членов Национальной паралимпийской команды Азербайджана“. president.az (6 сентября 2021). 2021-yil 6-sentyabrda asl nusxadan arxivlangan. Qaraldi: 2021-yil 6-sentyabr.
- ↑ Devyatoe zoloto Ilxama Zakieva na YeVRO
Havolalar
tahrir- Dursadaf Kerimova – judoinside.com saytidagi profil