Dyugon

Dyugon, dyugonlar (Dugong dugong) — sirenalar turkumiga mansub sut emizuvchi hayvon. Suvda yashaydi. Bitta turi bor. Gavdasi duksimon, uz. 3,5 m cha, ogirligi 140–170 kg gacha, tanasining oxirida koʻndalang joylashgan ikki boʻlakli suzgʻich qanoti bor. Oldingi oyoqlari kurakka aylangan, orqa oyoklari skeletidan faqat rudiment holdagi chanoq suyaklari saqlanib qolgan. Erkagining uz. 7 sm gacha boʻlgan kurak tishi filnikiga oʻxshash tashqariga chiqib turadi. Homiladorlik davri 1 yilgacha. Bitta bola tugʻadi. Qizil dengiz, Afrikaning sharqiy qirgʻoqlari, Hindiston yarim oroli, Hind-Malayya va Filippin arxipelagida, Tayvan, Yangi Gvineya, Shim. Avstraliya, Solomon, Yangi Kaledoniya orollarida tarqalgan. Goʻshti yeyiladi, terisidan tagcharm tayyorladi. D. hozir kam qolgan. Xalqaro Qizil kitobga kiritilgan.

Adabiyot

• OʻzME. Birinchi jild. Toshkent, 2000-yil