Elektron lampa

Elektron lampa, radiolampa – elektrovakuum asbob (aniqrogʻi, vakuumli elektron asbob), elektrodlarlar orasida vakuumda yoki siyrak gazda harakatlanuvchi elektronlar oqimining intensivligini nazorat qilish orqali ishlaydi.

20-asrda radiotexnikaning asosiy elementlari sifatida radiolampalar ommaviy ravishda qoʻllanila boshlandi, chunki ular tokni toʻgʻrilash, kuchaytirish, elektr signallarini ishlab chiqarish va hokazo imkonini beradi. Yarimoʻtkazgichli qurilmalar (diodlar, tranzistorlar) paydo boʻlishi bilan ular radiolampalar oʻrnini egallay boshlandi, chunki yarimoʻtkazgichli qurilmalar ancha ixcham va tejamkor boʻlib chiqdi. Hozirgi vaqtda yarimoʻtkazgich analoglari qimmatroq yoki ishlab chiqarish qiyinroq boʻlgan hollarda radiolampalar qoʻllanadi. Masalan, radio trubkasi, quvvatli radio toʻlqinlarining generatori sifatida mikrotoʻlqinli pechda magnetron (radiolampa) ishlatiladi.