Elizabeth Nelson Adams
Elizabeth Nelson Adams (1941-yil 22-yanvar — 2020-yil 2-mart) — amerikalik vizual rassom, shoir, yozuvchi va oʻqituvchi. U Janubiy Karolinaning Kolumbiya shahrida tugʻilgan.
| Elizabeth Nelson Adams | |
|---|---|
 | |
| Tavalludi |
22-yanvar 1941-yil |
| Vafoti |
2-mart 2020-yil (79 yoshda) Kolumbiya |
| Fuqaroligi |
 AQSh |
| Taʼlimi | Janubiy Karolina universiteti |
| Kasbi | Rassom, yozuvchi, oʻqituvchi |
| Turmush oʻrtogʻi | Weston Adams |
| Bolalari | Robert Adams, Weston Adams, Daniel Wallace Adams-Riley |
| Otasi | Patrick Henry Nelson III |
| Onasi | Elizabeth Juliet Nicholson Nelson |
Hayoti
tahrir
The National Merit Scholarship Program stipendiyasi sohibasi Elizabeth Nelson Adams Janubiy Karolina universitetida tahsil olgan. U yerda 1961-yilda AB darajasini olgan. Keyinchalik u ingliz tili boʻyicha magistrlik (1987) va ijodiy yozish boʻyicha doktorlik (1989) darajasini oldi[1]. U elchi Weston Adams bilan turmush qurgan va ularning toʻrt farzandi bor[2][3].
1995-yildan 2000-yilgacha Adams Janubiy Karolina sanʼat komissiyasida ishlagan. U Janubiy Karolina gubernatorlik sanʼat va gumanitar fanlar maktabi direktorlar kengashida ishlagan[4][5][6].
Rassomchilikdagi faoliyati
tahrirRassom va yozuvchi Adams "Gathering the Rain" (tarjimasi „Yomgʻirni yigʻish“) (1990) va "Five Malawian Writers: An Essay in Personal Exploration" (tarjimasi „Beshta malavilik yozuvchilar“) (1987) kitoblarining muallifidir[7][8]. Muvaffaqiyatli rassom Adams Janubiy Karolina, Los-Anjeles, Palm Beach, Nantucket, Lilongwe, Malavida koʻrgazmalar qilgan. 2007—2009-yillarda u Tippi Hedrenning Shambala qoʻriqxonasi uchun pul yigʻish uchun Los-Anjelesda badiiy koʻrgazmalar oʻtkazdi[9]. Shambala 1983-yilda Hedren tomonidan asos solingan notijorat tashkilot boʻlib, u Afrika sherlari, Sibir yoʻlbarslari, Bengal yoʻlbarslari, leopardlar va boshqa katta mushuklar kabi yoʻqolib ketish xavfi ostida turgan ekzotik katta mushuklarga gʻamxoʻrlik qiladi.
1984—1986-yillar oraligʻida Adams oʻz vaqtini Afrikada rasm chizish va yozish bilan oʻtkazdi. Uning rasmlarida Britaniyaning sobiq mustamlakasidagi manzara va odamlar aks etgan. Oʻsha davrda u "Five Malawian Writers: An Essay in Personal Exploration" (tarjimasi „Beshta malavilik yozuvchilar“) (1987) asarini yozdi. U Lilongvedan shimoliy Nyika platosigacha, Malavi koʻlidan janubiy Zomba platosigacha boʻlgan Malavi madaniyatini oʻrgangan. Uning Zambiya, Zimbabve, Janubiy Afrika va boshqa Afrika mamlakatlari boʻylab qilgan keng koʻlamli sayohatlari uning ishlarida aks ettirilgan.
1990-yillarda u litografiyaga qiziqa boshladi. Buni uning Italiya litografiyalari seriyasida koʻrish mumkin. U Italiya boʻylab Toskanadan Komo koʻligacha koʻp sayohat qildi. Oʻzining rasmlari, toshbosmalari, haykaltaroshligi hamda sheʼriyatida mamlakat meʼmorchiligi, landshaftlari va odamlarini aks ettirdi[10].
Adamsning sanʼati Janubiy Karolina shtatining Charleston shahrida boʻlib oʻtgan AQShning Spoleto festivalining bir qismi boʻlgan Piccolo Spoleto festivalida ham namoyish etildi. Adamsning sheʼrlari Amerika Qoʻshma Shtatlaridagi koʻplab sheʼriy kitoblarda nashr etilgan[11].
Elizabeth Nelson Adams 2020-yil 2-martda Janubiy Karolina shtatiga qarashli Kolumbiya shahrida vafot etdi.
Filmlardagi ijodi
tahrirElizabeth Nelson Adams „Solar Filmworks“ va „ThinkFilm“ tomonidan 2007-yilda ishlab chiqarilgan „The Last Confederate: The Story of Robert Adams“ (tarjimasi „So'nggi konfederatsiya: Robert Adamsning hikoyasi“) badiiy filmini ishlab chiqarishda muhim rol oʻynadi. Janub madaniyatining tarixi va nuanslari haqidagi bilimi bilan Adams ssenariyni yaratish, kasting va filmning ishlab chiqarish dizaynini ishlab chiqishda ishtirok etdi. U film uchun kasting direktori boʻlib, filmda Adams buvisi rolini oʻynagan Tippi Hedren va filmda Belcher rolini oʻynagan Edwin McCain kabi isteʼdodlarni kashf qildi. Adams, shuningdek, Madam Bonneau rolini ijro etgan[12][13].
Manbalar
tahrir- ↑ „Elizabeth N. Adams Thesis“. Qaraldi: 2013-yil 18-noyabr.
- ↑ „Reagan Presidency - Elizabeth N. Adams“. www.presidency.ucsb.edu. 2016-yil 4-martda asl nusxadan arxivlangan. Qaraldi: 2013-yil 18-noyabr.
- ↑ „Reagan - Elizabeth N. Adams“. www.reagan.utexas.edu. 2015-yil 24-sentyabrda asl nusxadan arxivlangan. Qaraldi: 2013-yil 18-noyabr.
- ↑ „Elizabeth N. Adams“. www.scstatehouse.gov. Qaraldi: 2013-yil 18-noyabr.
- ↑ „Elizabeth N. Adams“. www.southcarolinaarts.com. 2015-yil 24-sentyabrda asl nusxadan arxivlangan. Qaraldi: 2013-yil 18-noyabr.
- ↑ „Elizabeth N. Adams“. www.southcarolinaarts.com. 2013-yil 2-dekabrda asl nusxadan arxivlangan. Qaraldi: 2013-yil 18-noyabr.
- ↑ Adams, Elizabeth Nelson. „Gathering the Rain by Elizabeth N. Adams“. Qaraldi: 2013-yil 18-noyabr.
- ↑ Adams, Elizabeth N.. „Five Malawian Writers: An Essay in Personal Exploration by Elizabeth N. Adams“. Qaraldi: 2013-yil 18-noyabr.
- ↑ „Tippi Hedren Fundraiser and Elizabeth N. Adams“. ravepad.com. 2016-yil 24-iyunda asl nusxadan arxivlangan. Qaraldi: 2013-yil 18-noyabr.
- ↑ „Elizabeth N. Adams - Art and Poetry“. www.youtube.com. Qaraldi: 2013-yil 18-noyabr.
- ↑ „Poetry Elizabeth N. Adams“. findingaids.library.emory.edu. Qaraldi: 2013-yil 18-noyabr.
- ↑ „IMDb.com Elizabeth N. Adams“. www.imdb.com. Qaraldi: 2013-yil 18-noyabr.
- ↑ „NYTimes Elizabeth N. Adams“. The New York Times (2013). 2013-yil 19-dekabrda asl nusxadan arxivlangan. Qaraldi: 2013-yil 18-noyabr.