Emmanuel Macron

Emmanuel Jan-Mishel Frederik Makron (fransuzcha: Emmanuel Jean-Michel Frédéric Macron) – fransuz siyosatchisi va sobiq sarmoyaga oid bankchi, Fransiyaning yangi saylangan 25 chi prezidenti. „Olgʻa“ partiyasining yetakchisi. Fransiyaning sobiq Iqtisodiyot, sanoat va raqam ishlari vaziri boʻlgan. Bu lavozimni Manuel Vals ikkinchi hukumatida 26-avgust 2014-yildan 30-avgust 2016-yilgacha egalagan. Fransiyaning 2017-yilgi prezident saylovida gʻalaba qozongan, shu bilan Fransiyaning eng yosh prezidenti boʻldi.

Emmanuel Makron
Tavalludi	21-dekabr 1977-yil (1977-12-21) Amiens, Fransiya
Fuqaroligi	Fransiya
Partiyasi	Olgʻa
Otasi	Jean-Michel Macron
Onasi	Françoise Noguès

Hayoti

Emmanuel Makron 21-dekabr 1977-yilda Amyen shahrida tugʻilgan. Otasi Jan-Mishel Makron shifokor va Pikardiya Jyul Vern Universitetida nevrologiya professor boʻlib ishlagan. Paris-Nanterre Universitetida, Siyosiy tadqiqotlar oliygohida va École nationale d’administration oʻqishni bitirgan.1999-yildan 2001-yilgacha Pol Rikyor yordamchisi boʻlgan. 2004-yildan 2008- yilgacha Iqtisodiyot vazirligida nazoratchi boʻlib ishlagan. 2007- yildan Jacques Attali bilan birgalikda Fransiyaning yaxshi oʻsishi hayʼati boʻyicha lavozimida ishlagan. Rothschild & Cie Banqueda sarmoyaga oid bankir boʻlib ishlagan, shu ishda Moliya Mozarti laqabini olgan.

Siyosiy faoliyati

Fransiyaning 2006 yildan 2009 yilgacha Sotsialistik partiyasida boʻlgan. 2012-yildan 2014-yilgacha Fransua Olland Bosh kotibining oʻrinbosari boʻlib ishlagan. 10-iyun 2014-yili istʼefoga chiqgan va 26-avgustda iqtisodiyot vaziri qilib tayinlangan. 6-aprel 2016-yili Makron „Olgʻa“ partiyasini yaratdi. 16-noyabr 2016-yili Makron Fransiya prezident saylovida qatnashadiganini aytdi. 8-may 2017-yili „Olgʻa“ partiyasini raislik lavozimidan ketdi.

Saylov

Fransiyadagi 2017 yilgi saylovda qatnashgan. U saylovning 1-bosqichida 23,86% ovoz toʻplab 2-bosqichga chiqdi. U bilan Marin Le Pen 2-bosqichga chiqdi. „Olgʻa“ harakati asoschisi Emmanuel Makron Fransiyadagi prezidentlik saylovlarining 2-bosqichida 66,06 foiz ovoz bilan gʻalaba qildi. . Marine Le Pen esa 33,94 foiz ovoz oldi. Makron Fransiyaning eng yosh prezidenti boʻldi

Oilasi

2007-yilda Makron oʻzining maktabdagi fransuz oʻqituvchisiga uylandi. Brijitt Makron Emmanuel Makrondan 24 yosh katta. Brigittening oldingi eridan 3ta farzandi bor.