Fosfat rudalari

Fosfat rudalari - tarkibidagi fosfor, sanoatda foydalanish uchun texnik tomondan kulay va sanoatning turli sohalari uchun fosfor tarkibli mahsulotlarni (mineral oʻgʻitlar, fosfatlar, fosfor tuzlari) olish nuli bilan ularni qayta ishlash, iqtisodiy jihatdan maqsadga muvofiq boʻlgan birikma va konsentratsiyalarda boʻlgan tabiiy mineral hosilalar. Fosfat rudalarining asosiy komponenti — fosfor, R2O5ning tarkibi Fosfat rudalarida 2—6% dan 25—34% gacha oʻzgarib turadi hamda texnologik xususiyatlar, qazib olishning geologik sharoitlari va boshqa omillarga bogʻliq boʻladi. Fosfat rudalari tabiiy hosilalarning asosiy 2 guruhidan — fosforitlar va apatitlar, baʼzan alyumo va temir fosfatlardan tashkil topgan boʻladi. Fosfat rudalarining aosiy komponenti — apatit guruhining fosfat minerallari, ularning ichidan koʻproq tarqalganlari — ftoroapatit, ftorokarbonatapatit va ularning modifikatsiyasi — frankolit va kurskit. Fosfat rudalari konlari kelib chiqishiga qarab endogen va ekzogen konlarga boʻlinadi.