Foydalanuvchi:Oqsaqol/qumloq

Shokir Xoliqov (1992-yil, Shoʻrchi tumani, Surxondaryo viloyati, Oʻzbekiston) — oʻzbekistonlik kinorejissyor va ssenariychi.

Hayoti

Shokir Xoliqov 1992-yil Surxondaryo viloyati, Sho‘rchi tumanida tug‘ilgan. Xoliqov O‘zbekiston davlat san’at va madaniyat institutida „Televideniye va radio rejissyorligi“ bo‘yicha tahsil olgan.

Shokir Xoliqov 2019-yilda 72-xalqaro Kann festivali doirasida „Choy“ nomli qisqa metrajli filmi Gran-prisini qo‘lga kiritgan. Xoliqovning debyut „Yakshanba“ badiiy filmi Xitoyning Shanxay shahrida bo‘lib o‘tgan 25-Shanxay xalqaro kinofestivali doirasidagi „Osiyoning yangi iste’dodlari“ yo‘nalishining eng oliy mukofoti – „Oltin kubok“ka sazovor bo‘ldi. Yosh rejissyor shu paytgacha Fransiya, Yaponiya, Turkiya, Hindiston, Rossiya, Makedoniya, Qozog‘iston, Qirg‘iziston va Tojikistonda bo‘lib o‘tgan qisqa metrajli filmlar xalqaro kinofestivallarida g‘olib bo‘lgan.

Faoliyati

Xoliqov insitutni tamomlagandan keyin o‘qtuvchi bo‘lib ishlagan

Filmlari

• Messi

• choy

• Ifor

• Ichan qal’a

• Qiz va Bulut animatsiya

• Yakshanba Debyut

Yutuqlari

Yosh rejissyor Shokir Xoliqov 2019-yilda 72-xalqaro Kann festivali Gran-prisini qo‘lga kiritgan. Qozog‘istonda o‘tkazilgan xalqaro tanlovda „Messi“ qisqa metrajli filmi bilan bir vaqtning o‘zida ikki mukofotga „Eng yaxshi film“ hamda „Eng yaxshi drama“ loyiq ko‘rilgan. XXV Shanxay xalqaro kinofestivali doirasida rejissyor Shokir Xoliqovning „Yakshanba“ filmi „Osiyoning yangi iste’dodlari“ nominatsiyasi bo‘yicha eng yaxshi film deb topildi hamda kinofestivalning bosh mukofoti – oltin kubok bilan taqdirlangan. Shokir Xoliqov animatsion filmlar vatani bo‘lgan Yaponiyada bir yo‘la ikki mukofotni qo‘lga kiritgan. Yaponiyada o‘tkazilgan „DigiCon6 Asia“ animatsion filmlar festivalida Shokir Xoliqovning „Qiz va Bulut“ animatsion filmi ikki mukofotni: „Mintaqaning oltin filmi“ va „Festivalning oltin filmi“ mukofotlariga sazovor bo‘ldi hamda 3 ming dollar pul mukofoti bilan taqdirlandi. Kinotanqidchi Anton Dolin o‘zbekistonlik Shokir Xoliqov filmini Markaziy Osiyoning Top-5 ta kartinalar ro‘yxatiga kiritgan.