Gidroizolyatsiya materiallari
Gidroizolyatsiya materiallari — qurilish konstruksiyalari va inshootlarini, binoni, suv va kimyoviy agressiv suyuqliklar (k-ta, ishqor va b.)ning zararli taʼsirlaridan himoya qilinadigan materiallar. Vazifasiga kura, G.m.ning filtralanishga qarshi, korroziyaga qarshi va germetiklaydigan xillarga; asosiy materialining turiga koʻra bitumli, plastmassali, mineral, metall va b. xillari bor. Bitumli G.m. eritkichlarda suyuqlantirilgan bitumlar (bitum loklari va emallari)dan yoki suvda eriydigan bitumlar (bitumli emulsiyalar, pastalar)dan foydalaniladi va bevosita himoya qilinadigan materiallarga surkaladi. Keyingi vaqtlarda elastikligi yuqori va yorilmaydigan bitumli-polimer G.m. keng ishlatiladi. Plastmassali G.m. epoksid, poliefir, polivinil va b. lak-boʻyoqlar, polimer eritmalar va betonlar, polietilen, polivinilxlorid pardalar, kauchukli germetiklar, rezina lentalar, shishaplastlar tarzida ishlab chiqariladi va ular himoya qilinadigan materiallarga surkaladi, suvaladi, yelimlanadi va qoplanadi. Mineral G.m. sement, loy va b. qovushoq minerallar asosida tayyorlanib, sement va silikat boʻyoqlar, gidrofob toʻkmalar, loy-beton tuldirgichlar tarzida ishlab chiqariladi. Ular himoya qilinadigan materiallarni boʻyashda, suvashda filtrlanishga qarshi tuldirgichlar sifatida ishlatiladi. Metall G.m. jez, mis, qurgʻoshin, pulat listlar tarzida i.ch., himoya qilinadigan materiallar uraladi. Hozirda metall G.m.ning urnini plastmassali, shishaplastikali G.m.lar olmoqda.
Adabiyotlar
tahrir- OʻzME. Birinchi jild. Toshkent, 2000-yil
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
 | Bu andozani aniqrogʻiga almashtirish kerak. |