Göttingen universiteti
Gyottingen universiteti, Georg Avgust nomidagi Gyottingen universiteti (nemischa: Georg-August-Universität Göttingen ) — Germaniyaning yirik universitetlaridan biri. 1737-yil Gyottingen shahrida tashkil etilgan. 19-asr boshlarida madaniy va milliy siyosiy harakat markazlaridan biriga aylangan. Mashhur professorlar (matematik G. Gauye, tarixchi F. Dalman, filologlar aka-uka Ya. va B. Grimmlar) faoliyati tufayli universitetda tarix, siyosiy, tabiiy va matematika fanlari yetakchi mavqega ega boʻldi. G.u. da B. Riman, F. Kleyn, D. Gilbert, G. Minkovskiy kabi matematiklar ishlagan. Universitet teologiya, yuridik va siyosiy fanlar, tibbiyot, falsafa, iqtisod, ijtimoiy fanlar, tabiiy matematika, oʻrmonchilik, qishloq xoʻjaligi va b. sohalar boʻyicha mutaxassislar tayyorlaydi. 30 mingga yaqin talaba taʼlim oladi. Kutubxonasida 2 mln.dan ortiq asar saqpanadi.
Adabiyotlar
tahrir- OʻzME. Birinchi jild. Toshkent, 2000-yil
 |