Harima

Harima (yaponcha: 播磨町) Yaponiyaning Xyogo prefekturasining Kako tumanida joylashgan shaharchadir. 2022-yil 1-may holatiga koʻra, shaharchada 15410 ta xonadonda 34735 nafar aholi istiqomat qiladi va aholi zichligi 1 km² ga 3800 kishidan toʻgʻri keladi. Shaharning umumiy maydoni 9,13 kvadrat kilometr (3,53 mi²). Shahar Yaponiyaning eski provinsiyalaridan biri boʻlgan Xarima provinsiyasi sharafiga nomlangan. Shahar guli – xrizantema.

Harima 播磨町
Shahar
Bayroq
34°42′54.9″N 134°52′5.0″E
Mamlakat	Yaponiya
Hudud	Kansai
Prefektura	Hyogo Prefekturasi
Tuman	Kako
Hukumat
• Mer	Hiroko Shimizu (2006-yil Iyul oyidan buyun)
Maydon	9.13 km2 (3.53 kv mi)
Aholisi  (2022-yi 1-may.)	34,735
Harima

Harima shahar hokimiyati

Xyogo prefekturasi arxeologiya muzeyi

Geografiya

Harima Xyogo prefekturasidagi Harima tumanining janubi-sharqiy qismida, Innanno platosining janubidagi Kisegava daryosi havzasida joylashgan. Janubi Seto ichki dengizi bilan chegaradosh va ikkita sunʼiy orol – Niijima va Xigashiniijima mavjud boʻlib, ular shahar hududining taxminan 30% ni tashkil qiladi.

Qoʻshni munitsipalitetlar

Xyogo prefekturasi:

• Akashi
• Kakogava

Iqlimi

Harima nam subtropik iqlimga ega, yoz fasli issiq, qish fasli salqin va qor yogʻishi bilan ajralib turadi. Xarimada oʻrtacha yillik harorat 15,7 °C. Yillik oʻrtacha yogʻin miqdori 1527mm, sentyabr esa eng nam oy hisoblanadi. Avgust oyida eng yuqori harorat 26,86 °C, eng past harorat esa yanvar oyida 5,2°C.

Demografiyasi

Yaponiya aholini roʻyxatga olish tashkiloti maʼlumotlariga koʻra, Harima aholining oʻsish surati 1970-yillarda tez boʻlgan.

Aholining oʻsishi

Yil	Aholi	±%
1920	4 688	—
1930	5 159	+10.0%
1940	5 758	+11.6%
1950	8 062	+40.0%
1960	8 814	+9.3%
1970	13 116	+48.8%
1980	26 527	+102.2%
1990	30 813	+16.2%
2000	33 766	+9.6%
2010	33 192	−1.7%

Tarixi

1889-yil 1-aprelda zamonaviy munitsipalitetlar tizimini yaratish bilan Xyogoning Kako tumanida Ae (yaponcha: 阿閇村) qishlogʻi tashkil etildi. Akashi va Kakogava bilan birlashish boʻyicha muzokaralarda yuzaga kelgan nizolar tufayli qishloq mustaqil boʻlishni tanlagan va 1962-yil 1-aprelda shahar maqomiga koʻtarilgan.

Hukumati

Harima toʻgʻridan-toʻgʻri saylanadigan mer va 14 aʼzodan iborat bir palatali shahar kengashiga ega boʻlgan mer-kengash shakliga ega. Milliy siyosat nuqtai nazaridan, shahar Yaponiya Diet quyi palatasining Xyogo 14-okrugining bir qismidir.

Iqtisodi

Kimyo sanoati zavodlari shahar hududining 30% ni egallagan sunʼiy orollarda (Niijima va Xigashiniijima) ishlaydi va Harima dengiz boʻyidagi sanoat zonasining bir qismini tashkil qiladi. Urbanizatsiya boshqa okruglarga qaraganda ancha rivojlangan va qoʻshni Akashi va Kakogava shaharlari bilan solishtirish mumkin. Turar-joy yerlarini oʻzlashtirish natijasida ekin maydonlari yildan-yilga doimiy ravishda kamayib bormoqda.

Taʼlimi

Xarimada toʻrtta maktabgacha taʼlim maktabi va shahar hukumati tomonidan boshqariladigan ikkita oʻrta taʼlim maktabi va Xyogo prefekturasi taʼlim boshqarmasi tomonidan boshqariladigan bitta litsey mavjud.

Mahalliy diqqatga sazovor joylar

Onaka qadimiy qishloq.

Enman ibodatxonasida qurilgan besh qavatli pagoda

Harimadagi Xyogo prefekturasi arxeologiya muzeyi

Havolalar

Vikiomborda Harima, Hyōgo mavzusiga oid fayllar bor

• Harima rasmiy veb-sayti (yaponcha)