Hassan Yazdani
Hassan Yazdani Cerati (forscha: حسن یزدانی چراتی; tugʻ. 1994-yil 28-dekabr, Juybar, Mozandaron ustoni, Eron) — eronlik erkin kurashchi, 74 kg gacha va 86 kg gacha vazn toifasida, Eron terma jamoasi aʼzosi. 2016-yilgi Yozgi Olimpiada oʻyinlari chempioni, uch karra Jahon chempioni va Jahon chempionatlari gʻolibi, koʻp karra Osiyo chempioni. Amir Mohammad Yazdanining akasi, 2021-yilgi erkin kurash bo‘yicha Jahon chempionati kumush medali sovrindori.
| Hassan Yazdani | |
|---|---|
 Hassan Yazdani 2018-yilgi Osiyo oʻyinlarida | |
| Shaxsiy maʼlumotlari | |
| Jinsi | erkak |
| Tavallud paytidagi ismi | forscha: حسن یزدانی چراتی |
| Fuqaroligi |
 Eron |
| Tavallud sanasi |
28-dekabr 1994-yil Juybar, Mozandaron ustoni, Eron |
| Vazni |
74 kg gacha 86 kg gacha |
| Sport | |
| Qaysi sport | erkin kurash |
| Murabbiy(lar)i | Rasoul Khadem |
Faoliyati
tahrir1994-yil 28-dekabrda u Eron Islom Respublikasi tug‘ilgan[1]. Hassanning ilk muvaffaqiyatlari 2011-yilda, Bangkokda kadetlar o‘rtasida o‘tkazilgan Osiyo chempionatida 50 kilogramm gacha vazn toifasida bronza medalini qo‘lga kiritishi bilan bog‘liq. Oʻsha yili u Vengriyada kadetlar oʻrtasidagi Jahon chempionatida rossiyalik sportchi Gadzhimurad Rashidovga yutqazib, kumush medal sovrindori boʻldi. 2014-yilda oʻsmirlar oʻrtasidagi musobaqalarda u Osiyo chempionati va Jahon chempionatida oltin medallarni qoʻlga kiritdi.
2015-yilda Las Vegasda (AQSh) bo‘lib o‘tgan Jahon chempionatida u 70 kg gacha vazn toifasida finalda rossiyalik Magomedrasul Gazimagomedovga yutqazib, kumush medalni qo‘lga kiritdi.
2016-yil 20-avgustda Rio-de-Janeyroda (Braziliya) boʻlib oʻtgan Yozgi Olimpiada oʻyinlarida u finalida kelib chiqishi rossiyalik kurashchi Aniuar Geduevni magʻlub etdi[2].
2017-yilda Parijda (Fransiya) boʻlib oʻtgan Jahon chempionatida 86 kg gacha vazn toifasida slovakiyalik kurashchi Boris Makojevni magʻlub etib, oltin medalni qoʻlga kiritdi. 2018-yilda Bishkek shahrida bo‘lib o‘tgan Osiyo chempionatida u 86 kilogrammgacha bo‘lgan vazn toifasida finalda mongoliyalik sportchi Orgodolyn Üitümenni mag‘lub etdi. Oʻsha yili Budapeshtda bo‘lib o‘tgan Jahon chempionatida 86 kilogrammgacha bo‘lgan vazn toifasida bronza medalini qo‘lga kiritdi.
2019-yilda Nur-Sultonda bo‘lib o‘tgan Jahon chempionatida u 86 kilogramm gacha vazn toifasida finalda hindistonlik sportchi Deepak Punia ustidan g‘alaba qozonib, oltin medalni qo‘lga kiritdi. 2021-yilda Olmaota shahrida bo‘lib o‘tgan Osiyo chempionatida u finalda yana Deepak Punia ustidan g‘alaba qozonib, oltin medalni qo‘lga kiritdi. Oʻsha yili oktyabr oyida Osloda (Norvegiya) boʻlib oʻtgan Jahon chempionatida u 86 kilogrammgacha boʻlgan vazn toifasida Jahon chempioni boʻldi. Finalda u amerikalik kurashchi David Taylorni magʻlub etdi[3].
Manbalar
tahrir- ↑ „از "چپکرود" تا "لاسوگاس" با پدیده 21 ساله کشتی جهان“. Iranian Students News Agency (2015-yil 15-dekabr). Qaraldi: 2015-yil 15-dekabr.
- ↑ https://www.olympedia.org/athletes/134498
- ↑ „Россиянин Найфонов завоевал бронзу чемпионата мира по борьбе“. ТАСС. Qaraldi: 2021-yil 4-oktyabr.