Isuzu (Anadolu)
Anadolu Isuzu (rasmiy ravishda Anadolu Isuzu avtomobil sanoati va savdo aktsiyadorlik kompaniyasi) — Turkiyaning Istanbul shahrida joylashgan qoʻshma korxona.[1] Bu Anadolu guruhi, Isuzu Motors, Itochu va HICOM kompaniyalari hamkorligida yaratilgan. Uning asosiy faoliyat sohalari yengil yuk mashinalari va oʻrta avtobuslarni ishlab chiqarish va sotishdir. Kompaniya 1984-yilda tashkil etilganidan buyon Isuzu Motors litsenziya shartnomasiga muvofiq 80 mingdan ortiq tijorat avtomobillari ishlab chiqarildi. Anadolu Isuzu avtomobil sohasida birinchi turk-yapon qoʻshma korxonasi
 | |
| Turi | Ochiq aktsiyadorlik kompaniyasi |
|---|---|
| Tarmogʻi | Avtomobil sanoati |
| Qachon asos solingan | 1984 |
| Rahbariyat | Mehmet Kamil Eser (President) |
| Mahsulot(lar)i | Pikaplar, yuk mashinalar, avtobuslar, oʻrta avtobuslar |
| Ishchilar soni | 6,000 |
| Vebsayti | isuzu.com.tr |
Anadolu Isuzu kompaniyasining tajribasi va nou-xaulari 1965-yilda pikap va mototsikl ishlab chiqarish uchun tashkil etilgan Çelik Montaj kompaniyasiga borib taqaladi. Kompaniya Skoda pikaplarini 1986-yil oxiriga qadar ishlab chiqarishni davom ettirdi. 1984-yilda kompaniya Istanbul Kartal zavodida Isuzu avtomobillarini ishlab chiqarishni boshladi.
1999-yilda Anadolu Isuzu Kojaeli viloyatining Chayirova tumanidagi Gebze Şekerpınar yangi korxonasiga koʻchib oʻtdi. Kompaniyaning yangi zavodi deyarli 230 ming metr kvadratdan tashkil topgandi va 750taga yaqin ish oʻrniga ega edi. Ushbu zavod ikkita alohida yuk mashinalari va avtobus zavodlarini oʻz ichiga oladi. Faqatgina oʻrta avtobuslar ishlab chiqarish zavodi 21750 metr kvadrat maydonni oʻz ichiga oladi va yiliga 4 mingta oʻrta avtobuslar ishlab chiqarish quvvatiga ega.
Koʻrsatkichlar
tahrir2004-yilda Anadolu Isuzu kompaniyasi Turkiyada ishlab chiqarish liniyasidan chiqqan birinchi Isuzu avtomobilining 20 yilligini nishonladi. 1984-yildan beri Kartal va Sekerpinar korxonalarida 80 migta Isuzu avtomobili ishlab chiqarildi. Mahalliy bozorda deyarli 100 mingta Isuzu avtomobillari sotilgan. Oʻtgan oʻn yil ichida Anadolu Isuzu korxonalarida ishlab chiqarilgan deyarli 7 mingta avtomobil eksport qilindi.
2005-yil oxiriga kelib, Anadolu Isuzu Turkiyaning eng yirik oʻrta avtobus ishlab chiqaruvchisi boʻlib, kompaniyan Yevropaning yetakchi ishlab chiqaruvchilardan biri boʻldi. Xuddi shu yili Anadolu Isuzu ichki bozorda eng koʻp sotiladigan oʻrta avtobuslar ishlab chiqaruvchisi deb topildi. Anadolu Isuzu 2005-yilda Turkiyaning eng yirik oʻrta avtobus eksport qiluvchi kompaniyasi boʻldi. Kompaniya 26/31-oʻrindiqli Euro Turquoise va 27-oʻrindiqli Roybus rusumli oʻrta avtobuslarini Yevropaning deyarli 15 davlatiga eksport qiladi.
Modellar qatori
tahrir
_Travelarz.JPG){kind=spacer}
Yengil va oʻrta yuk mashinalari modellari global modellarga qaraganda uzunroq shassi opsiyasi va katta old bumperiga ega. 10 tonnadan ortiq yuk mashinalari va barcha avtobuslar ikkita toʻliq Wabco havo tormoz tizimi bilan jihozlangan. Citiport avtobusidan tashqari, butun qator mahalliy bozor uchun Yevro 5/EEV va eksport uchun Yevro 2-Evro 6 talablariga javob beradigan Isuzu dvigatellari tomonidan quvvatlanadi.
Pikaplar
tahrir- D-Max (4x4) — Ikki kabinali mexanik yoki avtomat uzatmalar qutisi variantlariga ega
- D-Max (4x2) — Ikki va bir kabinali variantlar
Yengil yuk mashinalari
tahrir- NLR (3.5 tonna)
- N-Wide (3.5 tonna) — Mahalliy bozor uchun NLR keng kabinali mahalliy ishlab chiqilgan versiyasi
Yuk mashinalari
tahrir- FSR „Tora“ (16 tonna)
- NPR 3D (12.5 tonna) — Uchinchi oʻqni koʻtarish imkoniyati bilan
- NPR 10 (10 tonna)
- NPR 8 (8 tonna)
Oʻrta avtobuslar
tahrir- Isuzu Classic / Urban/Ecobus / Oasis (27 oʻrin) — uzunligi 7 m (23 fut). Eksport bozorlari uchun avvalgi avlod oʻrta avtobusi. Oasis, shuningdek, qattiq yoʻl va iqlim sharoitlari uchun katlama oʻrindiqlari va havo filtri trubkasi bilan jihozlangan.
- Novo (27 oʻrin) — uzunligi 7,3 m (24 fut). Isuzu N-seriyali professional oʻrta avtobusga asoslangan
- Novo Citi (55 oʻrin) — uzunligi 7,5 m (25 fut), 2-eshigidan bilan gʻildirakli arava uchun kirish mumkin boʻlgan tranzit avtobus
- Turquoise (31 oʻrin) — Isuzu N-seriyali asosida 7,7 m (25 fut) uzunlikdagi sayyohlik avtobuslari)
- Citibus (74 yoʻlovchi) — uzunligi 9,5 m (31 fut), model 3-eshik past polli tranzit avtobus
- Visigo (39 oʻrin) — uzunligi 9,5 m (31 fut) boʻlgan flagman sayyohlik avtobusi)