Jazoir bayrogʻi

Harbiy-dengiz bayrogʻi
Mamlakat	Jazoir

Jazoir Demokratik Xalq Respublikasi bayrogʻi
Mamlakat	Jazoir
Mutanosibligi	2:3
Qabul qilindi	3-iyul, 1962-yil (62 yil avval)
Bayroq mualliflari	Emili Buskantdir

Jazoir davlat bayrogʻi (arabcha: علم الجزائر) bir xil kenglikdagi yashil va oq rangli ikkita vertikal chiziqdan iborat. Ikkalasining qoq markazida qizil yulduz va yarim oy bor. Bayroq 1962-yil 3-iyulda qabul qilingan. U Jazoir milliy ozodlik fronti bayrogʻiga oʻxshaydi va baʼzi manbalarga koʻra, 19-asrda Abdel Qodir tomonidan qoʻllangan. Oq rang poklik ramzi, yashil rang islom dinining rangidir. Yarim oy ham islom ramzidir. Bundan tashqari, ranglar ham ramziy maʼnoga ega: qizil — erkinlik, yashil — gʻalabaga ishonch, oq — kurashda halok boʻlgan qahramonlar uchun motam ramzi hisoblanadi^[1].

Tarixi

Lauris Kastro tomonidan „Barbar qaroqchilari bilan dengiz jangi“ 1681. Rasmda qaroqchilar kemalarida yarim oyli turli bayroqlar koʻrinadi.

Usmonli Jazoir davrida Barbar qaroqchilari bir yoki bir nechta yarim oy bilan bezatilgan bayroqlardan keng foydalanishgan. Biroq, ular rang jihatidan juda farq qilgan: toʻq qizil, qora, yashil va oq ranglari bilan. Bundan tashqari, jazoirlik qaroqchilar oʻlimga ishora qilish uchun qora rang kabi turli xil monoxromatik bayroqlardan foydalanganlar. Oʻsha paytdagi Jazoir bayroqlarida quyosh, yulduzlar va kesishgan qilichlar kabi boshqa tasvirlar ham mavjud edi ammokam uchrardi^[2]. Jazoir shahri ham oq qilichli toʻq sariq bayroqdan foydalangani maʼlum.^[2]

Zamonaviy bayroqning mashhur yaratuvchisi Emili Buskantdir. Qizil yulduz va yarim oy tasvirlangan oq va yashil ramzni aynan kim yaratgani haqida baʼzi munozaralar mavjud boʻlsa-da, Buskant 1934-yilda bayroqning birinchi versiyasini yaratgan.

Turli formatlardagi bayroq ranglari

Bayroqning yasalish sxemasi

Sxema	Qizil	Yashil	Oq
RGB	210-16-52	0-102-51	255-255-255
(Oʻn oltilik)Hexadecimal	#D21034	# 006633	#FFFFFF
CMYK	0, 92, 75, 18	100, 0, 50, 60	0, 0, 0, 0
Pantone	186C	356C	Oq