Joʻldosbek Quttimurodov

Joʻldosbek Jontoyevich Quttimurodov (1934.29.8, Kegeyli tumani) — haykaltarosh, qoraqalpoq haykaltaroshligi asoschisi. Oʻzbekiston BAakad. (1997), Oʻzbekistonda (1982) va Qoraqalpogʻistonda (1970) xizmat koʻrsatgan sanʼat arbobi. Benkov nomidagi Respublika rassomlik bilim yurtini tugatgan (1961). qoraqalpogʻiston davlat nashriyotida bosh rassom (1961 — 64), 1964-yildan I. Savitskiy nomidagi Qoraqalpogʻiston davlat sanʼat muzeyida taʼmir-lovchi rassom. Q. asarlarida goʻzallik tuygʻusi estetik ideal tarzida namoyon boʻladi, zamondoshlari qiyo-fasi, tarixiy mavzularni oʻziga xos tarzda talqin qiladi, qoraqalpoq ayoli goʻzalligini ramziy obrazlarda ifoda etadi, bu obrazlar mahalliy tabiat manzaralari bilan uygʻunlashgan; har bir asari uchun oʻziga xos yangicha usul izlaydi, eng asosiy narsani aniq va ravshan, sodda ifodalashga intiladi. Yogʻoch va marmardan "Orzu" (1967), "Qiz bolaning boshi" (1967), "Amudaryo" (1967), "Shamol" (1967), "Kelin-chak" (1967), "Ikki shoxli Iskandar" (1967), "Arslon" (1968), "Nihol" (1970), "Beruniy" (1975), "Sohibjamol" (1977), "Farhod" (1981), "Layli va Majnun" (1983), "Toʻmaris" (1984), "Guloyim" (1984), "Anaxita — suv va hosildorlik xudosi" (2000) va boshqa yaratgan asarlarining asosiy qismi Qoraqalpogʻiston muzeyida. "Mening Qoraqalpogʻistonim" turkum asarlari uchun Berdaq nomidagi Qoraqalpogʻiston Davlat mukofotiga sazovor boʻlgan (1972). Oʻzbekiston Badiiyot akadimyasi Oltin medali bilan taqdirlangan (2000).

Adabiyot

• Taktash R. X., Joldasbek Kuttnmuratov, T., 1985.