Jonli shlyapa

„Jonli shlyapa“ (ruscha: Живая шляпа) — rus yozuvchisi Nikolay Nosov qalamiga mansub hikoya. Muallif hikoyani 1938-yil yozgan. Asar bir necha tilga, jumladan, oʻzbek tiliga tarjima qilingan, Hikoya asosida film va multfilm suratga olingan.

Jonli shlyapa

Asl nomi	Живая шляпа
Muallif(lar)	Nikolay Nosov
Tarjimon(lar)	Sh. Boʻtayev
Til	ruscha
Janr(lar)i	hikoya
Nashr etilgan sanasi	1938
Nashriyot	„Yulduzcha“
Oʻzbek tilida nashr etilgan sanasi	1988
Sahifalar soni	16

Hikoyani oʻzbek tiliga Sh. Boʻtayev tarjima qilgan. Oʻzbekcha nashr 1988-yil Toshkent shahrida „Yulduzcha“ nashriyotida chop etilgan.

Syujeti

Hikoyada Vaska ismli mushukcha va Vova va Vadik ismli ikki doʻst haqida hikoya qilinadi. Vova va Vadik rasm chizayotib qandaydir shovqin boʻlayotganini eshitadilar. Tepada turgan shlyapa qulab tushadi. Ikki doʻst shlyapaga yaqinlashmoqchi boʻlishsa, u harakatga keladi.

Bolalar qoʻrqib ketadilar. Shlyapaga kartoshka uloqtirib koʻradilar. Pirovardida qulagan shlyapa ostida mushukcha qolganini anglab yetadilar.

Qahramonlari

• Vova – bosh qahramon
• Vadik – bosh qahramon, Vovaning doʻsti
• Vaska – mushukcha

Oʻzbekcha tarjimasi

Asarni rus tilidan oʻzbek tiliga Sh. Boʻtayev tarjima qilgan. Oʻzbekcha nashr 1988-yil Toshkent shahrida „Yulduzcha“ nashriyotida chop etilgan. Kitob rasmlarini G. Li chizgan.

Boshqa tillarga tarjimalari

„Jonli shlyapa“ hikoyasi yana polyak (polyakcha: Żywy kapelusz) (1954), eston (estoncha: Elav kaabu) (1958), olmon (nemischa: Der lebende Hut ) (1962), frasuz (fransuzcha: Drôle de chapeau) (1967), ingliz (inglizcha: A Live Hat) (1971), fin (fin: Elävä hattu) (1985), malagasi (malagasicha: Satroka manenjika) (1985) hamda irland (irl.: An hata beo) (1988) tillariga tarjima qilingan.

Havolalar

• „Jonli shlyapa“ hikoyasining qisqartirilgan versiyasi Kitob.uz saytida (Wayback Machine saytida 2017-02-24 sanasida arxivlangan)