Kampung Laut masjidi
Kampung Laut masjidi (malaycha: Masjid Kampung Laut) – Malayziyadagi eng qadimiy masjidlardan biri. Masjid qurilishi qachon amalga oshirilganligini tasdiqlovchi dalillar mavjud emas, biroq XV yoki XVIII asrda qurilgan deb taxmin qilinadi[1]. Masjid Kelantan viloyati, Tumpat tumani, Kampung Laut shahrida joylashgan.
| Masjid | |
 | |
| Kampung Laut masjidi | |
| Mamlakat |  Malayziya
|
| Kelantan viloyati | Tumpat tumani, Kampung Laut shahri |
| Koordinatalar | 6°09′15.8″N 102°13′51.5″E / 6.154389°N 102.230972°E |
| Yoʻnalishi | sunniy |
| Masjid turi | Masjid |
| Meʼmoriy uslub | Islom va Java (Tumpang) meʼmorchiligi |
| Minoralar soni | 1 |
| Minoralar soni | 1 |
 Kampung Laut masjidi Vikiomborda
| |
Tarixi
tahrirKampung Laut masjidi XV asrda Champa qirolligi Champa hukumati transportchilari guruhi tomonidan qurilgan degan taxminlar mavjud. Uning qurilish uslubi, asosan, mahalliy anʼanaviy meʼmorchilikka xos boʻlib, mintaqadagi mahalliy uylarga oʻxshash qilib bunyod etilgan. Arxitektura uslubi, shuningdek, janubiy hindu meʼmorchiligiga ham oʻxshab ketadi[2]. Bu masjid Javadagi Demak masjididan ilhomlangan holda qurilgan. Walisongo Kampung Laut masjididan Javadan Champaga borganida dam olish maskani sifatida foydalangan.
1859–1900-yillar oraligʻida Kelantan sultonligi hukmronligi davrida masjid sultonlar va diniy rahbarlar uchun muhim uchrashuv joyiga aylangan. Masjiddan savdo nuqtasi sifatida ham foydalanilgan. Bu davrda Kampung Laut masjidi kengaytirilib, 20 ta ustun, uch qavatli peshtoq, minora (azon uchun muazzin), chordoq va suv idishi bilan kengaytirilib, pol qoplamasi sifatli yogʻochdan ishlangan. Masjid boshqaruvi 1970-yilning may oyida Menteri Besar Datuk Asri Muda boshqaruvi ostidagi Kelantan hukumatiga topshirilgan[1].
Kampung Laut anʼanaviy yigʻilish maydoni hisoblanadi, chunki mintaqadagi bunday anʼana ming yillar oldin ham mavjud boʻlgan.
Suv toshqinlari
tahrirKampung Laut masjidi Kelantanda sodir boʻlgan ikkita katta toshqindan omon qolgan, birinchisi 1926-yilda Bah Air Merah toshqini va ikkinchisi 1966-yilda sodir boʻlgan toshqin. Ikkinchi suv toshqinida masjidning daryoga yaqin qismlarini sel olib ketgan va masjidga jiddiy zarar yetkazgan. Biroq keyinchalik masjid qayta taʼmirlangan.
Manbalar
tahrir- ↑ 1,0 1,1 „Masjid Kampung Laut in malaysia | Beautiful Mosques Gallery around the world“. 2014-yil 12-yanvarda asl nusxadan arxivlangan.
- ↑ „Masjid Kampung Laut“. 2019-yil 3-mayda asl nusxadan arxivlangan. Qaraldi: 2015-yil 10-fevral.
Havolalar
tahrir
Vikiomborda Kampung Laut Mosque mavzusiga oid fayllar bor
- Kampung Laut masjidi (Wayback Machine saytida 2019-05-03 sanasida arxivlangan)
- Malayziya dunyosining meʼmoriy merosi: anʼanaviy masjid