Kiyomidin Muftaydinov
Kiyomiddin Muftaydinov (1953-yil 5-mart, Asaka tumani, Andijon viloyati, OʻzSSR) oʻzbekistonlik olim, iqtisod fanlari doktori, professor (2004). Andijon mashinasozlik instituti Gumanitar fanlar kafedrasi professori [1] [2].
| Qiyomiddin Muftaydinov | |
|---|---|
 | |
| Tavalludi |
1953-yil 5-mart Andijon viloyati, Asaka tumani |
| Kasbi | buxgalter-iqtisodchi |
| Ish joylari | Andijon mashinasozlik instituti |
| Taʼlimi | Toshkent xalq xo`jaligi instituti |
| Ilmiy unvoni | iqtisodiyot fanlari doktori, professor |
| Veb-sayt | andmiedu.uz |
Tarjimai holi
tahrirKiyomiddin Muftaydinov 1953-yil 5-mart kuni Andijon viloyatining Asaka tumanida tugʻilgan. 1975-yilda Jizzax qishloq xoʻjaligi texnikumini, 1979-yilda esa Toshkent xalq xoʻjaligi institutini tugatgan. 1984-yilda esa Leningrad davlat universiteti aspiranturasini muvaffaqiyatli tamomlagan. 1972-1974 yillarda SSSRning Tinch okeani flotida dengiz piyodasi serjanti sifatida harbiy xizmatni oʻtagan. Mutaxassisligi boʻyicha buxgalter-iqtisodchi.
Mehnat faoliyati
tahrirKiyomiddin Muftaydinov ilk mehnat faoliyatini 1979-yilda Toshkent xalq xoʻjaligi instituti Andijon filiali siyosiy iqtisod kafedrasi assistentligidan boshlagan. Turli yillarda, jumladan 1985-1988-yillarda Andijon viloyati partiya qoʻmitasi maʼruzachilar guruhi aʼzosi, qishloq xoʻjaligi va oziq – ovqat sanoati boʻlimi boshliq muovini, 1988-1990-yillarda Andijon viloyati Marhamat tumani partiya qoʻmitasi 2 – kotibi, 1990-1991-yillarda Xalq deputatlari Andijon viloyat Kengashi ishlari boshqaruvchisi, 1991-1995-yillarda Andijon iqtisodiyot va boshqaruv instituti iqtisodiyot nazariyasi kafedrasi dotsenti, kafedra mudiri, boshqaruv fakulteti decani, 1995-2011-yillarda Andijon muhandislik-iqtisodiyot instituti Moliya-iqtisodiyot ishlari boʻyicha prorektori, 2011-2019-yillarda Andijon mashinasozlik instituti ijtimoiy fanlar kafedrasi professori, 2019-2021 yillarda Gumanitar fanlar kafedrasi mudiri lavozimlarida ishlagan. 2021-yildan hozirgi vaqtga qadar Andijon mashinasozlik instituti Gumanitar fanlar kafedrasi professori vazifasida ishlab kelmoqda.
Ilmiy faoliyati
tahrir1984-yil 24-oktyabrida Sankt-Peterburg davlat universitetida „Agrosanoat majmuasining birlamchi boʻgʻinida ishlab chiqarishning ixtisoslashuvi va kontsentratsiyasi“ („Spesializatsiya i konsentratsiya proizvodstva v pervichnom zvene APK“)"[3] mavzusi boʻyicha 08.00.01- „Iqtisodiy nazariya“ ixtisosligida nomzodlik dissertatsiyasini himoya qilgan. 2004-yil 27-aprelida esa Mirzo Ulugʻbek nomidagi Oʻzbekiston Milliy universitetida „Iqtisodiyotni erkinlashtirish sharoitida tadbirkorlikni rivojlantirish muammolari“ mavzusida 08.00.01- „Iqtisodiy nazariya“ ixtisosligida doktorlik dissertatsiyasini himoya qilgan [4].
„Iqtisodiyot nazariyasi“, „Iqtisodiy taʼlimotlar tarixi“ fanidan maʼruzalar oʻqiydi. 2 ta darslik[5], 2 ta oʻquv qoʻllanma, 100 dan ortiq ilmiy maqola va tezislar muallifi[6].
Oilasi
tahrirIkki nafar oʻgʻil va bir nafar qiz farzandlari bor. Farzandlarining barchasi ilm yoʻlidan ketgan. Xususan, oʻgʻli Muftaydinov Mansur Kiyomidinnovich [7] iqtisodiyot fanlari boʻyicha falsafa doktori (PhD) ilmiy darajasini olgan. Qizi Rejapova (Muftaydinova) Shahnoza Kiyomidinnovna Andijon tibbiyot instituti akusher-ginekologiya kafedrasi assistenti, Muftaydinov Bobir Kiyomidinnovich Andijon mashinasozlik instituti doktoranti.
Manbalar
tahrir- ↑ „Andijon mashinasozlik instituti Gumanitar fanlar kafedrasi sana=19.07.2024“ (andmiedu.uz).
- ↑ „Andijon mashinasozlik instituti ilmiy kengashi a'zolari“ (andmiedu.uz). Qaraldi: 2024-yil 12-iyul.
- ↑ „Специализация и концентрация производства в первичном звене АПК : диссертация ... кандидата экономических наук : 08.00.01. - Ленинград, 1984. - 175 с. :“ (search.rsl.ru). Qaraldi: 2024-yil 12-iyul.
- ↑ „"Iqtisodiyotni erkinlashtirish sharoitida tadbirkorlikni rivojlantirish muammolari" mavzusidagi doktorlik dissertatsiya:“ (dss.natlib.uz). Qaraldi: 2024-yil 12-iyul.
- ↑ „"Sharq iqtisodiy taʼlimotlar tarixi".Darslik.“ (.ziyouz.com). Qaraldi: 2024-yil 12-iyul.
- ↑ „Tadbirkorlikning ayrim nazariy masalalari“ (genderi.org). Qaraldi: 2024-yil 12-iyul.
- ↑ „Muftaydinov Mansur Qiyomidinovichning iqtisodiyot fanlari bo‘yicha falsafa doktori (PhD) dissertatsiya ishi himoyasi to‘g‘risida“ (uza.uz). Qaraldi: 2024-yil 12-iyul.