Konsolidatsiya

Konsolidatsiya — siyosiy va moliyaviy atama bo‘lib, bu so‘zni „birlashma“, „jipslashish“ so‘zlarining sinonimi deb hisoblash mumkin. Yevropa davlatlari qayta koʻrib chiqilgan hamda tuzatilgan qonunlarni hech qanday huquqiy ahamiyatga ega boʻlmagan yagona qonunga kiritishni konsolidatsiya sifatida bilishadi, chunki unda barcha normativ-huquqiy hujjatlarning roʻyxati tafsilotlari (yaʼni qoʻshilishga yaqin boʻlgan narsalar) bor.

Billets_de_5000

Ushbu termin lotincha „solid“ o‘zagidan kelib chiqqan bo‘lib, „qattiq“, „mustahkam“ va „hamjihatlik“ degan maʼnolarni bildiradi. Siyosiy sohada konsolidatsiya partiya aʼzolari yoki faollarining qandaydir g‘oya yoki shaxs atrofida birlashishini anglatadi. Iqtisodiy maʼnoda konsolidatsiya mamlakat valyuta zaxiralaridagi milliy valyutani xalqaro valyuta aktivlari bilan almashtirishni anglatadi. Shuningdek, konsolidatsiya spekulyativ aksiyalarni sotishdan olingan foydani ishonchliroq aksiyalarga investisiya qilish demakdir. Konsolidatsiya valyuta kursining o‘sishi yoki pasayishidan keyin barqarorlashish jarayonini ham anglatadi. Konsolidatsiya qilingan hisobotlar deganda, bitta biznesmenga tegishli bo‘lgan shirkatlarning guruhi o‘z moliyaviy hisobotlarini yagona shirkat sifatida taqdim etilishi tushuniladi. Baʼzi hollarda moliyaviy faollarning yoki korxonalarning uyushmasini ham anglatadi.

Misol uchun

"Muhim davlat masalalari bo‘yicha o‘tkaziladigan parlament saylovlarida ko‘p partiyaviylikka qaramasdan, shubhali konsolidatsiya kuzatiladi". „Alisher Rustamov o‘ziga tegishli qandolat aktivlarining konsolidatsiyasini o‘tkazdi“.