Landry Nguémo
Joël Landry Tsafack Nguémo (fransuzcha: Landry Joel Tsafack NʼGuémo; 1985-yil 28-noyabr, Yaunde – 2024-yil 27-iyun, Obala, Kamerun) – kamerunlik futbolchi, markaziy yarimhimoyachi. U Kamerun milliy terma jamoasida oʻynagan. 2010 va 2014-yilgi Jahon chempionatlarida ishtirok etgan.
 | |||
| Shaxsiy maʼlumot | |||
|---|---|---|---|
| Toʻliq ismi | Joël Landry Tsafack Nguémo | ||
| Tavallud sanasi | 28-noyabr 1985-yil | ||
| Tavallud joyi | Yaoundé, Kamerun | ||
| Vafot sanasi |
27-iyun 2024-yil (38 yoshda) | ||
| Vafot joyi | Obala, Kamerun | ||
| Boʻyi | 1.73 m | ||
| Ampluasi | Yarimhimoyachi | ||
| Yoshligida aʼzo boʻlgan klublar | |||
| 2001–2005 | Nancy | ||
| 2009–2010 | Celtic (ijara) | ||
| 2011–2014 | Bordeaux | ||
| 2015 | Saint-Étienne | ||
| 2015-2017 | Akhisar Belediyespor | ||
| Professional faoliyati* | |||
| Yillar | Jamoa | Isht. | (Gol.) |
| 2001–2005 | Nancy | 127 | (4) |
| 2009–2010 | Celtic (ijara) | 35 | (0) |
| 2011–2014 | Bordeaux | 67 | (2) |
| 2015 | Saint-Étienne | 14 | (1) |
| 2015-2017 | Akhisar Belediyespor | 21 | (2) |
| Milliy terma jamoa | |||
| 2006-2014 | [[Kamerun]] | 42 | (3) |
| *Professional klublardagi gollari (ichki chempionat) | |||
Yoshlik yillari
tahrirNancy
tahrirNguémo mamlakatning gʻarbida joylashgan Kamerunning kichik Dshang shahrida tugʻilgan. U futbolni mahalliy jamoada oʻynashni boshlagan. 13 yoshida oilasi bilan birga Yaundega koʻchib oʻtgan.
Klubdagi faoliyati
tahrirKamerun poytaxtining shahar jamoasida oʻynayotgan Landry Fransiyaning „Nancy“ klubi skautlari eʼtiborini tortgan. Shundan soʻng uni sinovga taklif qilishdi va Nguémo Lotaringiya jamoasi bilan shartnoma imzolagan. Bu paytda u atigi 15 yoshda edi. 19 yoshida esa u „Nancy“ning asosiy tarkibida debyut qilgan. Bu voqea Fransiya chempionatining „Olympique Lyonnais“ga qarshi oʻyinida roʻy bergan. Bir oydan soʻng „Trua“ bilan oʻyinda Nguémo birinchi marta „Nancy“ning asosiy tarkibida maydonga tushgan. 2009-yil yanvar oyida fransuz va ingliz ommaviy axborot vositalarida „Arsenal“, „Sunderland“ va „[Everton]]“ klublarining futbolchiga qiziqishi haqidagi xabarlar tarqalgandan soʻng, Landry Nancyni tark etish istagini bildirgan[1]. Oʻsha yilning 31-yanvarida „Gavr“ga qarshi oʻyinda Nguémo Fransiya jamoasi safidagi ilk golini urgan – kamerunlik futbolchi oʻyinning 90-daqiqasida aniq zarba bergan va bu gol Landryning jamoasiga gʻalaba keltirgan. 23-may kuni afrikalik futbolchi ikkinchi marta gol urgan – u yana oʻyinning soʻnggi soniyalarida „Marsel“ darvozasini ishgʻol qilgan, ammo bu safar „Nancy“ 1:2 hisobida magʻlubiyatga uchragan.
Celtic
tahrir2009-yilning 16-iyulida Nguémo Shotlandiyaning „Celtic“ jamoasiga ijara shartnomasi asosida oʻtgan. Klublar oʻrtasida quyidagi shartlar boʻyicha kelishuv tuzilgan: 2009—2010-yilgi mavsumda kamerunlik futbolchi „Keltlar“ safida oʻynaydi, shundan soʻng glazgoliklar Landryning transferini sotib olish huquqiga ega boʻladilar. Afrikalik oʻzining oʻyin raqami sifatida 6 ni tanlagan. Nguémoning „Keltlar“ safidagi debyuti muvaffaqiyatli boʻlgan – u mavsumoldi tayyorgarligi doirasida „Cardiff City“ bilan oʻtkazilgan oʻyinda eng yaxshi futbolchi deb tan olingan[2]. „Celtic“ning rasmiy uchrashuvida kamerunlik futbolchi „Oq-yashillar“ning Moskva „Dinamo“si bilan uy maydonidagi oʻyinida debyut qilgan, bunda „Keltlar“ 0:1 hisobida magʻlubiyatga uchrashgan. Bu Chempionlar ligasining 2-saralash bosqichi oʻyini edi. Landry Moskvadagi javob oʻyinida ham ishtirok etgan. U yerda shotlandiyaliklar 2:0 hisobida gʻalaba qozonib, Londonning „Arsenal“ jamoasiga qarshi oʻynash huquqini qoʻlga kiritishgan[3] He was also part of the team that won 2–0 in the return leg in Moscow,[4]. Shotlandiya Premyer-ligasida Nguémo birinchi marta 2009-yil 15-avgustda „Keltlar“ning „Aberdin“ga qarshi safardagi gʻalabali oʻyinida klubning oq-yashil libosida maydonga tushgan[5]. 2009—2010-yilgi mavsumda Landry jami 43 ta oʻyinda maydonga tushgan[6]. 2010-yil may oyining oxirida kamerunlik futbolchi bir intervyusida Glazgoda hamma narsa unga yoqishini va Shotlandiyada qolishga qarshi emasligini aytgan[7] . Mavsum oraligʻida „Keltlar“ „Nancy“dan futbolchining huquqini sotib olishga harakat qilishgan, ammo 1,8 million funt sterling „Celtic“ uchun qimmatlik qilgan va Nguémo Fransiyaga qaytishga majbur boʻlgan.
Bordeaux
tahrir2010—2011-yilgi mavsum yakunida yarim himoyachining „Nancy“ bilan shartnomasi tugab, u erkin agent maqomini olgan. 2011-yil 1-iyulda Landry Fransiya 1-ligasining boshqa jamoasi – „Bordeaux“ bilan dastlabki kelishuvga erishgan[8]. Tibbiy koʻrikdan muvaffaqiyatli oʻtganidan soʻng, Nguémo „jirondinlar“ bilan 3 yillik shartnoma imzolagan. 2011-yil 7-avgustda Landry ilk bor rasmiy oʻyinda „Bordeaux“ sharafini himoya qilgan – oʻsha kuni uning jamoasi „Sent-Etyen“ klubiga qarshi maydonga tushgan. 2012-yil 2-mayda kamerunlik futbolchi „Renn“ jamoasi darvozasining „toʻqqizligiga“ uzoq masofadan ajoyib zarba bergan va shu tariqa „Bordeaux“ safidagi birinchi golini urgan.
Terma jamoa
tahrirLandry Kamerun terma jamoasi uchun 35 ta oʻyinda maydonga tushib, uch marta gol urgan. U 2008 va 2010-yillardagi Afrika Millatlar Kubogi musobaqalarida ishtirok etgan. 2010-yil 12-mayda Nguémo Kamerun terma jamoasining 2010-yilgi jahon chempionatiga tayyorgarlik tarkibiga kiritilgan. 30-may kuni jahon chempionati uchun milliy terma jamoaning uzil-kesil tarkibi eʼlon qilinganda, Landry Janubiy Afrikaga yoʻl olgan 23 nafar futbolchi safida boʻlgan. Bundan tashqari, u 2014-yilgi Jahon chempionatida ham Kamerun terma jamoasi tarkibida ishtirok etgan.
Manbalar
tahrir- ↑ Goodchild, Alex „Arsenal chase Landry N'Guemo“. Eyefootball (2009-yil 20-yanvar). Qaraldi: 2009-yil 20-yanvar.
- ↑ „Mowbray welcomes Nguémo signing“. BBC Sport (2009-yil 17-iyul). Qaraldi: 2009-yil 18-iyul.
- ↑ „Celtic suffer Dynamo defeat at Parkhead - Scottish Professional Football League“. 2014-yil 28-dekabrda asl nusxadan arxivlangan. Qaraldi: 2014-yil 23-iyun.
- ↑ „BBC SPORT - Football - Europe - D'mo Moscow 0-2 Celtic (agg 1-2)“ (2009-yil 5-avgust).
- ↑ „BBC SPORT - Football - Scottish Premier - Aberdeen 1-3 Celtic“ (2009-yil 15-avgust).
- ↑ Coyle, Andy „Celtic 'shocked and saddened' by death of former midfielder, aged 38“. STV News (2024-yil 27-iyun).
- ↑ No go NʼGuemo: Celtic switch attention to NʼDiaye after move for Nancy Bhoy stalls (Wayback Machine saytida 9 March 2012 sanasida arxivlangan) STV Sport, 19 June 2010
- ↑ „N'Guemo signs deal with Bordeaux“. BBC News (2011-yil 2-iyul).