Larisa Seleznyova
Larisa Yuryevna Selezneva (ruscha: Лариса Юрьевна Селезнёва; 1963-yil 12-sentyabrda Leningradda tugʻilgan) — Sovet Ittifoqi vakili sifatida xalqaro musobaqalarda qatnashgan rossiyalik sobiq figurali uchuvchi. Sportdagi sherigi va turmush oʻrtogʻi Oleg Makarov bilan birga 1984-yilgi Olimpiya oʻyinlari bronza medali sovrindori, 1985-yilgi Jahon chempionatining kumush medali sovrindori, 1988-yilgi Jahon chempionatining bronza medali sovrindori va ikki karra Yevropa chempioni (1987, 1989) boʻlgan. Ularga Igor Moskvin murabbiylik qilgan.
| Larisa Selezneva | |
|---|---|
| Shaxsiy maʼlumotlari | |
| Davlat | Sovet ittifoqi |
| Tavalludi |
12-sentyabr 1963-yil Leningrad |
| Sherigi | Oleg Makarov |
| Murabbiyi | Igor Moskvin |
| Jamoasi | Zenit St. Petersburg |
| Yakunlagan | 1990 |
Faoliyati
tahrirSelezneva Leningradda (hozirgi Sankt-Peterburg) tahsil olgan. U Oleg Vasilyev bilan juftlikda bir muddat konkida uchgan, ammo ular uch oydan keyin ajralishgan.
Selezneva va Makarov 1978-yilda murabbiylari tomonidan birlashtirilgan. Juftlik 1980 va 1981-yillarda O‘smirlar o‘rtasidagi Jahon chempionatida g‘olib chiqqan. 1984-yilda ular Saraevoda boʻlib oʻtgan Olimpiadada bronza medalini qoʻlga kiritganlar, bu musobaqa juftlik uchun birinchi yirik xalqaro turnir edi. Selezneva Makarov bilan birga „Buyuk mehnat uchun“ ordeni bilan taqdirlangan (1984).
Juftlik 1985-yilda Tokioda boʻlib oʻtgan Jahon chempionatida kumush medalni qoʻlga kiritib, oʻsha paytdagi jahon va olimpiya chempioni Yelena Valova / Oleg Vasilyevni ham magʻlub etgan. Makarov 1988-yilgi Qishki Olimpiya oʻyinlari oldidan tizzasini sindirib olgan va musobaqada tizzasi gipslangan holda, ogʻriq qoldiruvchi dorilar ichib, ishtirok etgan. Selezneva va Makarov juftligi Olimpiya musobaqasida toʻrtinchi oʻrinni egallagan va 1988-yilgi Jahon chempionatida bronza medalini qoʻlga kiritgan. Shuningdek, ular 1987 va 1989-yillarda ikkita Yevropa chempionligini qoʻlga kiritishga muvaffaq boʻlgan. Jufrlik 1990-yilda musobaqalarda qatnashish faoliyatidan isteʼfoga chiqqan[1].
Selezneva / Makarov juftligiga Igor Moskvin murabbiylik qilgan[2].
Shaxsiy hayoti
tahrirSelezneva va Makarov 1987-yilda turmush qurishgan. Oila 2001-yilda Rossiyaning Sankt-Peterburg shahridan Nyu-Yorkka koʻchib oʻtgan[3].
Natijalari
tahrirOleg Makarov bilan juftlikda
| Xalqaro | ||||||||||||
|---|---|---|---|---|---|---|---|---|---|---|---|---|
| Musobaqa | 79 — 80 | 80 — 81 | 81 — 82 | 82 — 83 | 83 — 84 | 84 — 85 | 85 — 86 | 86 — 87 | 87 — 88 | 88 — 89 | 89 — 90 | |
| Olimpiada | 3 | 4 | ||||||||||
| Jahon chempionatlari | 4 | 2 | 4 | 4 | 3 | 4 | ||||||
| Yevropa chempionati | 4 | 2 | 1 | 2 | 1 | 2 | ||||||
| NHK Trophy | 1 | 2 | ||||||||||
| Moskva yangiliklari | 1 | 2 | 1 | 1 | 3 | |||||||
| Ennia Challenge | 2 | 1 | 1 | |||||||||
| Xalqaro: Oʻsmirlar | ||||||||||||
| Jahon chempionati | 2 | 1 | 1 | |||||||||
| Milliy | ||||||||||||
| Sovet chempionati | 5 | 4 | 1 | 1 | 2 | 1 | 1 | 1 | ||||
| Sovet chempionati (Oʻsmirlar) | 1 | 1 | 1 | |||||||||
Manbalar
tahrir- ↑ Richinick, Michele. „Ahead of Sochi, Former Russian Olympians become US citizens“. MSNBC (2013-yil 16-avgust).
- ↑ Mai, Andy; Adams Otis, Ginger. „Famous figure skating family from Russia become American citizens“. New York Daily News (2013-yil 16-avgust).
- ↑ „Ksenia MAKAROVA“. International Skating Union. 2010-yil 2-mayda asl nusxadan arxivlangan.