Lola Ahmedova

Lola Ahmedova (1983-yil 2-iyul, Surxondaryo, OʻzSSR) — oʻzbek aktrisasi va xonandasi, Oʻzbekistonda xizmat koʻrsatgan artist.

Lola Ahmedova
Tavalludi	2-iyul 1983-yil (1983-07-02) Surxondaryo viloyati, Denov tumani
Fuqaroligi	OʻzSSR → Oʻzbekiston
Taʼlimi	Oʻzbekiston davlat konservatoriyasi
Kasbi	Xonanda
Otasi	Ahmedov Baxtiyor
Onasi	Ahmedova Dilbar
Mukofotlari

Hayoti

Lola Ahmedova 1983-yil 2-iyulda Surxondaryo viloyatining Denov tumanida sanʼatkorlar oilasida tavallud topgan. Otasi Ahmedov Baxtiyor Gapparovich rassom, onasi Ahmedova Dilbar Amanqulovna jurnalist boʻlishgan. Lola Ahmedova bolaligidan musiqaga mehr qoʻygan. U maktab tadbirlarida qatnashishni va sahnada qoʻshiq aytishni yoqtirardi. U oilasi bilan Toshkentga koʻchib kelganida ilk bor „Birgalikda kuylaymiz“ televizion tanlovida qatnashgan va final bosqichida ishtirok etgan. 1997-yilda Toshkent madaniyat kollejiga oʻqishga kirgan. Lola birinchi musiqiy taʼlimni shu texnikumda olgan. Uning birinchi ustozi Oʻzbekiston va Qoraqalpogʻiston xalq artisti Gulshod Otaboeva „lapar“ sirlarini oʻrgatgan. 2001-yilda Oʻzbekiston konservatoriyasiga oʻqishga kirgan.

Lolaning ijodiy yoʻnalishi paydo boʻla boshlagan. 2003-yilda „Aziz on yurt navolari“ tanlovida 3-oʻrinni egallab, „Buni hayot deydilar“ qoʻshigʻi gʻolibi boʻldi. „Vatan himoyachilari kuni“, „Navroʻz“, „Mustaqillik“ kabi turli ommaviy tadbirlarda muntazam qatnasha boshlagan.

100 dan ortiq qoʻshiqlarni ijro etgan Lola 4 ta albomini ham oʻz muhlislariga havola eta oldi, bular „Yolgʻizginam“, „Devona“, „Begim“, „Biznikidir dunyolar“kabilardir. 2004-yilda boʻlib oʻtgan „Aziz ona yurtim navolari“ koʻrik tanlovida birinchi oʻrinni egallagan. 2006-yil esa „Nihol“ mukofoti sovrindori boʻlgan. Lola 2010-yil Oʻzbekistonda xizmat koʻrsatgan artist unvoniga sazovor boʻlgan. Qoʻshiq kuylash bilangina cheklanib qolmagan, Lola 2004-yil rejissyor Axad Farmonovning „Muhabbatimsan“ filmida bosh rolni, Raʼno obrazini ijro etgan.

Konsertlari

• 2005-yil – „Yolgizginam“.
• 2006-yil – „Devonam“.
• 2010-yil – „Intizor kunlar“.
• 2013-yil – „Borliging Baxtim“.

Diskografiya

• 2004-yil – „Yolgizginam“.
• 2005-yil – „Devonam“.
• 2006-yil – „Yugurish“.
• 2007-yil – „Intizor“.
• 2013-yil – „Borliging Baxtim“.

Mukofotlari

• 2004-yil – „Nihol“ davlat mukofotlari.
• 2010-yil – „Oʻzbekistonda xizmat koʻrsatgan artist“ unvoni.