Mallatukli g‘ingpashsha

Mallatukli g‘ingpashsha ( lat. Eumerus rufipilus ) — g‘ingpashshalar (Syrphidae) oilasiga mansub bo‘lib, Ildiz yeyuvchi (Eumerus) turkumiga kiruvchi kamyob turi sanaladi. Oʻzbekiston Qizil kitobiga kiritilgan .

Mallatukli g‘ingpashsha
Ilmiy tasniflash
Olam:	Hayvonlar
Tip:	Boʻgʻimoyoqlilar
Sinf:	Hasharotlar
Oila:	Syrphidae
Urugʻ:	Eumerus
Turlari:	Mallatukli g‘ingpashsha
Xalqaro ilmiy nomi
Eumerus rufipilus Peck, 1969

Tarqalishi

Oʻrta Osiyo: Qirgʻiziston, Oʻzbekiston (Hayot, Nurota tizmasi) .

Tavsif

Bunday kichik g‘ingpashshalar turining qorin dumaloq va tanasida sarg‘ish belgilari bo‘ladi . Quruq aralash o‘tli dashtlar va  shag‘al va mayda tuproqli yonbag‘irlarida (d.s.b. 1500–2000 m) yashaydi. Kam o‘rganilgan. Yiliga bir marta nasl beradi. Ilk uchishi va tuxum qo‘yishi iyunda; soyabonguldoshlarning (Apiaceae) gullarida, lichinkalari piyozguldoshlarda (Liliaceae) oziqlanadi. Bir necha donasigina uchragan. Bu tur 1969-yilda sovet dipterologi Lyudmila Vladimirovna Pek (Qirg‘iziston SSR Fanlar akademiyasining Biologiya instituti) tomonidan qayd etilgan .

Cheklovchi omillar

Daraxt va butalarning kesib tashlanishi, me’yorsiz pichan tayyorlash, chorvachilikda yaylovdan haddan tashqari ko‘p foydalanish.

Muhofaza choralari

Nurota qo‘riqxonasida muhofaza ostiga olingan. Yashash joylari, hayot tarzi va sonini yetarlicha o‘rganish lozim.

Adabiyot

• Красная книга Республики Узбекистан. — Т. II — Животные. Ташкент: Chinor ENK, 2009. 

Havolalar

• Eumerus rufipilus eol.org saytida^(ingl.) )
• Eumerus rufipilus. (Wayback Machine saytida 2022-07-29 sanasida arxivlangan)