Manituveyj

Manituveyj - Kanadaning Ontario provinsiyasidagi kolchedanli kumushmisrux rudalari konlari guruhi. Yuqori koʻldan shim.da joylashgan. 1950-yildan Geko va Uaylroy konlaridan, boshqa konlardan 1964-yildan qazib olinadi. Ruda maydoni arxey davrining amfibolit va kristalli sla-netslari, shuningdek, ularni yorib oʻtgan metamorfiklashgan gabbrodiabaz jinslaridan tuzilgan. Qatlam va linza shakllaridagi ruda tanalari kristallik slanetslar va amfibolitlar orasida deyarli gorizontal holatda joylashgan. Rudadagi asosiy minerallar: pirit, pirrotin, sfalerit; qolgani — xalkopirit, galenit; norudasi — kvars. Razvedka qilingan ruda zaxirasi 40 mln. t dan ziyod. Ruda tarkibidagi Zn 3,7 —4,6%, Si 1,9 —2,1%, Sn 0,32%; Ag 55 —69 g/t. Ruda karyer usulda va yer ostidan qazib olinadi.