Maya K. Peterson
Maya Karin Peterson (1980-yil 19-aprel – 2021-yil 16-iyun) – amerikalik tarixchi. Santa Kruzdagi Kaliforniya universitetida tarix boʻyicha professor boʻlib ishlagan. Markaziy Osiyoning ekologik tarixini oʻrgangan.
| Maya K. Peterson | |
|---|---|
| Tavalludi |
19-aprel 1980-yil Northampton, AQSh |
| Vafoti |
16-iyun 2021-yil (41 yoshda) Santa Cruz, AQSh |
| Fuqaroligi | AQSh |
| Taʼlimi |
Swarthmore kolleji (BA) Garvard universiteti (MA, PhD) |
| Turmush oʻrtogʻi | A. Marm Kilpatrick |
| Onasi | Indira Viswanathan Peterson[1] |
Peterson 2019-yilda chop etilgan „Pipe Dreams: Water and Empire in Central Asia's Aral Sea Basin“ kitobi bilan tanilgan. Asarda Orol dengizi fojiasi, xususan, unga sabab boʻlgan sovet va postsovet hukumatlarning siyosatlari haqida hikoya qilinadi. Peterson 2021-yilda 41 yoshida tugʻruq paytida vafot etgan.
Hayoti va faoliyati
tahrirMaya Karin Peterson 1980-yil 19-aprelda tugʻilgan va Massachusets shtatida ulgʻaygan[2]. Uning ota-onasi Mount Holyoke kollejida professor boʻlib ishlagan[2]. Peterson Swarthmore kollejida tarix boʻyicha tahsil olgan. Keyinchalik Garvard universitetidan magistrlik darajasini olgan[3]. 2011-yilda esa ayni taʼlim muassasasida PhD darajasini olgan[2] va universitetning Fan tarixi kafedrasida postdoktorant oʻlaroq faoliyat boshlagan[4].
2012-yilda Peterson Myunxendagi Rachel Carson atrof-muhit va jamiyat markaziga tashrif buyurgan va izlanishlari davomida u yerga bir necha marta qaytib borgan[5]. Oʻsha yili Peterson Santa Kruzdagi Kaliforniya universitetida dotsent, 2019-yilda esa doimiy professor etib tayinlangan[4].
Oʻz tadqiqotlari davomida Peterson Markaziy Osiyo boʻylab sayohat qilgan[2]. Oʻz izlanishlari davomida asosiy eʼtiborini Orol dengizidagi oʻzgarishlar, shuningdek, irrigatsiya atrof-muhitga hamda mintaqada yashovchi odamlarning sogʻligʻiga koʻrsatayotgan taʼsirga qaratgan[5]. Petersonning izlanishlari hamkasblari tomonidan keng maqtovga sazovor boʻlgan[6].
Peterson 2021-yil 16-iyun kuni tugʻruq paytida toʻsatdan vafot etgan[4].
Manbalar
tahrirSnoskalar
tahrir- ↑ (unspecified title)
- ↑ 2,0 2,1 2,2 2,3 Bruno 2022, s. 295.
- ↑ Karch, Brendan „Maya K. Peterson (1980–2021)“. Historians (2022-yil 31-mart). Qaraldi: 2024-yil 21-avgust.
- ↑ 4,0 4,1 4,2 Cameron, Derr & Obertreis 2022, s. 203.
- ↑ 5,0 5,1 Liepold 2022, s. 645.
- ↑ Bruno 2022, s. 296.
Adabiyotlar
tahrir- Bruno, Andy (2022). "Maya Karin Peterson". Slavic Review (Cambridge University Press) (1).
- Cameron, Sarah; Derr, Jennifer; Obertreis, Julia (2022). "Maya K. Peterson (1980–2021)". Kritika: Explorations in Russian and Eurasian History (Slavica Publishers) 23 (1).
- Liepold, Annka (2022). "Eloge: Maya Karin Peterson (1980–2021)". Isis 113 (3).