Miura (Kanagawa)
Miura (yaponcha: 三浦市 Miura-shi) – Yaponiyaning Kanagawa prefekturasida joylashgan shahar. 2021-yil holatiga koʻra, shaharning taxminiy aholisi 188,482 kishini tashkil etadi va aholi zichligi har kvadrat kilometrga 1400 kishini tashkil qiladi. Umumiy maydoni 32.05 km2 (12.37 sq mi²).
Miura
三浦市 | |
|---|---|
Shahar | |
 Miura shahar markazi | |
 Bayroq  Gerb | |
 Miuraning Kanagawa Prefekturasida koʻrinishi | |
  | |
| Koordinatalari: 35°9′N 139°37′E / 35.150°N 139.617°E | |
| Mamalakat | Yaponiya |
| Viloyat | Kantō |
| Prefektura | Kanagawa |
| Hukumat | |
| • Mer | Hideo Yoshida (2005-yil iyundan beri) |
| Hudud | |
| • Umumiy | 32,05 km2 (10 sq mi) |
| Aholisi (1-Aprel, 2017) | |
| • Umumiy | 44 132 |
| • Zichligi | 14/km2 (36/sq mi) |
| Vaqt mintaqasi | UTC+9 |
| Telefon kodi | 046-882-1111 |
| Manzil | 1-1 Shiroyama-cho, Miura-shi, Kanagawa-ken 238-0298 |
| Iqlimi | Nam subtropik |
| Veb-sayt | http://www.city.miura.kanagawa.jp/ |
Geografiyasi
tahrirMiura Miura yarim orolining janubi-sharqida, Kanagawa prefekturasining janubi-sharqida joylashgan boʻlib, uch tomondan Tinch okeani bilan, gʻarbda Sagami koʻrfazi bilan oʻralgan. Shahar hududi va portining janubida Jogashima oroli joylashgan boʻlib, shahar bilan koʻprik orqali bogʻlangan. Miura dam olish kunlari sayyohlik uchun mashhur joy. Jogashima mayogʻi 19-asr oxirida fransuz muhandisi Léonce Verni tomonidan qurilgan.
Chegaradosh munitsipalitetlar
tahrirIqlimi
tahrirMiura nam subtropik iqlimga ega (Köppen Cfa), yozi issiq va qishi salqin, qor yogʻmaydi. Miurada oʻrtacha yillik harorat 13,4 °C. Yillik oʻrtacha yogʻin miqdori 2020 mm, sentyabr eng nam oy hisoblanadi. Eng yuqori harorat avgustda 24,2 °C, eng pasti esa yanvarda, taxminan 2,9 °C atrofida boʻladi[1].
Demografiyasi
tahrirYaponiya aholini roʻyxatga olish maʼlumotlariga koʻra Miura aholisi 1990-yillarda eng yuqori choʻqqiga chiqdi va shundan beri kamaydi[2][3].
| Yil | Aholi | ±% |
|---|---|---|
| 1920 | 20,78 | — |
| 1930 | 22,781 | +9.6% |
| 1940 | 25,815 | +13.3% |
| 1950 | 32,425 | +25.6% |
| 1960 | 39,811 | +22.8% |
| 1970 | 45,532 | +14.4% |
| 1980 | 48,687 | +6.9% |
| 1990 | 52,44 | +7.7% |
| 2000 | 52,253 | −0.4% |
| 2010 | 48,352 | −7.5% |
| 2020 | 42,069 | −13.0% |
Tarixi
tahrirZamonaviy Miura hududida miloddan avvalgi davrlardan beri odamlar yashab kelgan. Arxeologlar huddudan Yaponiya paleolitik, Jomon va Yayoi davrlariga oid koʻplab qoldiqlarni topdilar. Kechki Heian davridan Sengoku davrining oxirigacha, hudud Miura urugʻi tomonidan boshqarilgan, ular raqib Xojo urugʻi tomonidan magʻlub qilingach boshqaruvni ularga berishgan.
Meiji restavratsiyasidan soʻng, 1889-yil 1-aprelda Kanagavaning Miura tumanidagi Misaki shahri tashkil etildi. Shahar 1913-yilda elektrlashtirilgan, ammo 1934-yilgacha suv taʼminoti yoʻq edi.
Hudud 1923-yildagi Buyuk Kanto zilzilasi paytida qattiq silkingan, epitsentri shahardan bir necha kilometr uzoqlikda boʻlgan Sagami koʻrfazida joylashgan. Tektonik harakat natijasida shahar atrofidagi butun geografik hudud taxminan 10 metrga koʻtarilib, keyingi bir necha kun ichida dastlabki darajasiga tushdi. Katta sunami qayd etilmagan.
1955-yil 1-yanvarda Misaki qoʻshni Minami-Shitaura shaharchasi va Xasse qishlogʻini oʻzlashtirdi. 1966-yil 7-iyulda shahar chekkasida Miurakaygan stansiyasining ochilishi bilan shahar Tokio metropolisi bilan temir yoʻl orqali bogʻlandi. Chiziq 1975-yil 26-aprelda Misakiguchi stantsiyasigacha uzaytirildi, ammo liniyani shahar markaziga qadar kengaytirish rejalari bekor qilindi[4].
Iqtisodiyoti
tahrirShahar iqtisodiyotida baliqchilik ustunlik qiladi, uning markazi Yaponiyaning 18-chi eng muhim baliq ovlash porti va orkinos ovlash boʻyicha 2-oʻrinda turadigan Misaki portida joylashgan[5]. Misaki muhim baliq ovlash bandargohi boʻlib, asosan orkinosni qayta ishlashga ixtisoslashgan. Qishloq xoʻjaligi ayniqsa tarvuz va daikon yetishtirish mahalliy iqtisodiyot uchun muhim boʻlib qolmoqda.
Hukumati
tahrirMiura toʻgʻridan-toʻgʻri saylanadigan mer va 27 aʼzodan iborat bir palatali shahar kengashiga ega boʻlgan mer-kengash boshqaruv shaklidagi shahar. Miura Kanagava prefekturasi assambleyasiga ikkita aʼzo qoʻsha oladi. Milliy siyosat nuqtai nazaridan, shahar Yaponiya Parlamenti quyi palatasining Kanagawa 17-okrugiga kiradi.
Manbalar
tahrir- ↑ „Odawara climate: Average Temperature, weather by month, Odawara water temperature - Climate-Data.org“. en.climate-data.org.
- ↑ Miura population statistics (in Japanese)
- ↑ Miura population statistics (1995-2020)
- ↑ „Body found in cave identified as Blackman's“ (en-US). The Japan Times (2001-yil 11-fevral). Qaraldi: 2020-yil 23-aprel.
- ↑ „Columns｜みうら うみそら - 神奈川県三浦市の店舗情報サイト“ (ja). www.miurashoren.com. 2020-yil 23-fevralda asl nusxadan arxivlangan. Qaraldi: 2020-yil 23-aprel.