Tesha Moʻminov

Tesha Moʻminov (1949-yil 25-noyabr, Buxoro) — oʻzbekistonlik teatr va kino aktyori, Oʻzbekiston xalq artisti (1992).

Tesha Moʻminov
Tavalludi	Tesha Husainovich Moʻminov 25-noyabr 1949-yil (1949-11-25) Buxoro, OʻzSSR
Fuqaroligi	OʻzSSR → Oʻzbekiston
Kasbi	Teatr va kino aktyori
Mukofotlari

Hayoti

Tesha Husainovich Moʻminov 1949-yil 25-noyabrda Buxoroda tugʻilgan. Toshkent teatr va rassomlik sanʼati institutini tugatgan (1970). 1968-yildan hozirgi Oʻzbek milliy akademik drama teatri aktyori. 1993–1996-yillar Madaniyat ishlari vazirining oʻrinbosari.

Faoliyati

"Ajal minorasi" (A. Dyuma)dagi Orsiniy M.ning sahnada yaratgan ilk yirik obrazidir. Teatr sahnasida Devona (M. Karim, "Oy tutilgan tunda"), Gʻofir (Hamza, "Boy ila xizmatchi"), Yoʻlchi (Oybek, "Qutlugʻ qon"), Koriolon (U. Shekspir, "Koriolon"), Qor odam (T.Yunus, "Qor odam"), Shayton (S.Imomov, "Shayton va farishta"), Shoh Maʼmun (H.Rasul, "Piri Koinot"), Shpigelberg, Grimm (F. Shiller, "Karoqchilar"), Piri zindoniy (M. Shayxzoda, "Mirzo Ulugʻbek"), Turdivoy (Uygʻun, I.Sulton, "Alisher Navoiy"), Sohibqiron (A.Oripov, "Sohibqiron Amir Temur"), Joʻra Azim ("Bir qadam yoʻl") kabi rollari bilan tanildi.

Ulkan ehtiros, purviqor harakatlar, baland va serjilo nutq Tesha Moʻminov ijrochilik sanʼatining yetakchi xususiyatlaridan. Tesha Moʻminov kinoda (Komil, "Kelinlar qoʻzgʻaloni" da; Nurmuhammad, Qushbegi "Oʻtgan kunlar"da; rais, "Yolgʻiz yodgorim"da va boshqalar), video va televizion filmlarda (Yoʻlchi, "Qutlugʻ qon"da; Saltabadil, "Qirolning dilxushi"da; Sherzod Samandarov, "Nur borki, soya bor"da va boshqalar) ham koʻplab obrazlar yaratgan. Bir qancha film dublyajida qatnashgan.

Filmografiyasi

Yil	Nomi	Obraz	Izoh
2023	Abdulla Oripov
	Kelinlar qoʻzgʻaloni	Komil
	Oʻtgan kunlar	Nurmuhammad, Qushbegi
	Yolgʻiz yodgorim	rais

Mukofotlari

• Hamza nomidagi Oʻzbekiston Davlat mukofoti laureati (1989)

• Oʻzbekiston xalq artisti (1992).