Mukambar Rahimova
Mukambar Hakimovna Rahimova (1941.23.3, Toshkent) — aktrisa, rejissyor Oʻzbekiston xalq artisti (2002). Toshkent teatr va rassomlik sanʼati institutining aktyorlik (1964) va rejissyorlik (1976) ftlarini tugatgan. 1964-yildan "Oʻzbekfilm"ning aktyor studiyasida. Rahimova keng diapazoni, yuqori mahorati, chuqur dramatik va satirik obrazlari bilan diqqatga sazovor. Qunduz ("Istiqbol yoʻli"), Lola ("Surayyo"), Enaga ("Dahoning yoshligi"), Xatira ("Oy borib, omon qayt"), kabi rollarni yaratgan. Rejissyor sifatida Fargʻona teatri ("Intilganga tole yor"), Jizzax teatri ("Xayolparast") va boshqa teatrlarda ham spektakllar, "Guvohsiz suhbat", "Nomaʼlum ayol maktubi", "Qasoskorning oltin boshi" kabi radiopostanovkalar sahnalashtirgan. Dublyaj rejissyor i sifatida tanilgan ("Oq shudring", "Igna", "Mening Miom, Mio", "Shahrizodaning yangi ertaklari", "Zombe", "Delfin hayqirigʻi", "Uch qirolning toʻqnashuvi", "Kunning ayoli" va boshqalar) Oʻzi ham 13 yoshidan dublyajda, radiopostanovka, telespektakllarda qatnashadi. "Dugonalar", "Tabassum", "Vatandosh", "Yaxshi kayfiyat" kabi radiojurnallarning boshlovchisi.[1]
| Mukambar Hakimovna Rahimova | |
|---|---|
| Tavalludi |
23-mart 1941-yil Toshkent, Oʻzbekiston |
| Fuqaroligi |
 Oʻzbekiston |
| Kasbi | Aktrisa |
| Faoliyat yillari | 1964-yildan |
| Mukofotlari |
  |
Manbalar
tahrir| Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 |