Murod Xontoʻrayev
Murod Xontoʻrayev (1987-yil 4-iyul, Toshkent — 2021-yil 19-iyul, Boʻstonliq tumani) — Oʻzbekistonlik sportchi, MMA yarim ogʻir vazn jangchisi, MMA boʻyicha jahon chempioni, Oʻzbekiston MMA assotsiatsiyasi vitse-prezidenti. U oʻzining professional karyerasini 2013-yilda boshlagan. Laqabi „Osiyo ayigʻi“.
| Murod Muhammadusmonovich Xontoʻrayev | |
|---|---|
| Tavalludi |
1987-yil 4-iyul |
| Vafoti |
2021-yil 19-iyul Boʻstonliq tumani |
| Fuqaroligi |
 Oʻzbekiston |
| Taʼlimi | Plexanov nomidagi Rossiya iqtisodiyot universiteti (Toshkent filiali) |
| Kasbi | sportchi |
| Faoliyat yillari | 2013—2021 |
| Millati | oʻzbek |
| Dini | islom |
| Boʻyi | 180 sm |
Shaxsiy hayoti
tahrir2018-yil 21-iyun kuni Toshkent shahrining yunusobod tumanidagi tungi klublardan birida tartibsizlik keltirib chiqargani uchun hibsga olingan[1]. Dastavval unga nisbatan 3 yillik qamoq jazosi berilishi kutilgan. Jinoyat ishlari boʻyicha Yakkasaroy tumani sudida Murod Xontoʻrayevga jarima tarzidagi jazo qoʻllandi. U eng kam ish haqining 94 baravari miqdorida — 16 190 560 soʻm jarima toʻlab, ozodlikka chiqdi[2]. 2018-yil 26-noyabr kuni Xontoʻrayevga „Toshkent savdo markazi“ yaqinida joylashgan ofisida 10 dan ortiq kishi hujum uyushtirib, uning son va koʻkrak qafasi atrofiga pichoq bilan jarohat yetkazgan. Olingan jarohatlar oqibatida Murod Xontoʻrayev kasalxonada davolangan.
Oʻlimi
tahrirMurod Xontoʻrayev oʻzining mashinasida 2021-yil 19-iyul kuni Toshkent viloyati Boʻstonliq tumanida avtohalokatga uchrab, halok boʻldi. Gentra haydovchisining soʻzlariga koʻra, sportchi boʻlgan mashina juda yuqori tezlikda harakatlangan. Yon tomonga urilib, oqibatda mashina va haydovchi turli tomonlarga uchib ketgan[3]. Murod Xontoʻrayev Toshkent shahridagi Yalangʻoch-2 qabristonida dafn etilgan.
Manbalar
tahrir- ↑ „MMA boʻyicha jahon chempioni Murod Xontoʻrayev hibsga olindi“. Xalq soʻzi. 2021-yil 19-iyulda asl nusxadan arxivlangan. Qaraldi: 2018-yil 25-iyun.
- ↑ „Toshkentda MMA jangchisi Murod Xontoʻrayev yana pichoqlandi“. Interfax.uz. Qaraldi: 2018-yil 27-noyabr.
- ↑ „Ўзбекистон ММА ассоциацияси вице-президенти Мурод Хонтўраев автоҳалокатга учраб, вафот этди — видео“. Bugun.uz. 2021-yil 19-iyulda asl nusxadan arxivlangan. Qaraldi: 2021 йил 19 июль.