Musiqa lugʻati
Musiqa lugʻati — musiqashunos Ilyos Akbarov tomonidan tuzilgan ilk oʻzbek tilidagi musiqiy lugʻat[1].
| Muallif(lar) | Ilyos Akbarov |
|---|---|
| Muharrir(lar) | Toʻxtasin Gʻofurbekov |
| Mamlakat |
 OʻzSSR (1-nashri) Oʻzbekiston (2-nashri) |
| Til | oʻzbekcha |
| Janr(lar)i | Lugʻat |
| Nashr etilgan sanasi | 1987-yil |
| Nashriyot | „Gʻafur Gʻulom“ nomidagi adabiyot va sanʼat nashriyoti |
Mazmuni
tahrirMazkur lugʻatda musiqa sohasining koʻplab tarmoqlari, jumladan, musiqa nazariyasi, janrlari, shakllari, xususan kuy, garmoniya, polifoniya, orkestrlashtirish, xalq ijodiyoti, musiqa akustikasi, musiqa ijrochiligiga oid terminlar jamlangan. Shuningdek, musiqa asboblarining tasvirlari, 600 ga yaqin terminlar, nota misollari va turli jadvallar bilan yanada boyitilgan.
Yaratilishi
tahrirLugʻatni tuzishda Arkadiy Ilich Ostrovskiyning „Краткий музыкальный словарь“ (1949), Aleksandr Naumovich Doljanskiyning „Краткий музыкальный словарь“ (1955), V.S.Shteypress va Izrail Markovich Yampolskiy hamkorlikda tuzgan „Энциклопедический музыкальный словарь“ (1966), Tatyana Kruntyayeva, Natalya Molokova va Aleksandr Stupellarning „Словарь иностранных музыкальных терминов“ kabi rus musiqashunoslarining adabiyotlaridan[1] hamda Isʼhoq Rajabovning „Maqomlar masalasiga doir“ monografiyasidan foydalanilgan[2].
Nashrlari
tahrirDastlabki nashr 1987-yilda „Gʻafur Gʻulom“ nomidagi adabiyot va sanʼat nashriyotida chiqarilgan[1]. Lugʻatning tuzatilgan va kengaytirilgan 2-nashri esa 1997-yilda „Oʻqituvchi“ nashriyotida chiqarilgan[2].
Manbalar
tahrir- ↑ 1,0 1,1 1,2 Ilyos Akbarov. Muzika lugʻati Toʻxtasin Gʻofurbekov: . Toshkent: „Gʻafur Gʻulom“ nomidagi Adabiyot va sanʼat nashriyoti, 1987 — 332-bet.
- ↑ 2,0 2,1 Ilyos Akbarov. Musiqa lugʻati, 2 Toʻxtasin Gʻofurbekov: . Toshkent: „Oʻqituvchi“ nashriyoti, 1997 — 384-bet. ISBN 5-645-02422-2.