O‘zbekiston elektron ommaviy axborot vositalari milliy uyushmasi

Oʻzbekiston elektron ommaviy axborot vositalari milliy uyushmasi (OʻEOAVMU) Oʻzbekiston Respublikasidagi yirik nodavlat notijorat ommaviy axborot vositalari tashkiloti hisoblanadi. U Oʻzbekistonning 100 dan ziyod nodavlat teleradiostansiyalari va kabel televideniyesi studiyalarini jipslashtiradi.

Oʻzbekiston elektron ommaviy axborot vositalari milliy uyushmasi

Ishga tushgan sanasi	2003-yil
Joylashuvi	Toshkent
Vebsayti	oav.uz

Uyushma maqsadi

• Sivilizasiyalashgan eshittirish bozorini shakllantirish, nodavlat telestansiyalar, efir kontent sifati va rang-barangligini oshirish, teleradioeshittirishlar faoliyatini shaklllantirish.
• Assosiasiya a’zolarining huquq va manfaatlarini himoya qilish, ularning bevosita faoliyatida qoʻllab-quvvatlash, huquqiy kafolatlarini muvofiqlashtirish va ta’minlash.
• Oʻquv seminar-trening oʻtkazish orqali ijodiy va texnik ommaviy axborot vositalari xodimlarining kasbiy malakasini oshirish. Xorijiy murabbiylarni jalb etish, teleradiostansiyalarning yosh ijodiy va texnik xodimlari malakasini oshirish boʻyicha hamkorlikni mustahkamlash.
• OAV sohasida xalqaro hamkorlikni rivojlantirish va mustahkamlash, Oʻzbekiston Respublikasi hududida suratga olish jarayonida xorijiy telekanallar va telestudiyalarni qoʻllab-quvvatlash.

Uyushma aʼzolari

Assosiasiyaga 18 ta milliy telekanal, 19 ta radiokanal, 100 ta elektron OAV - Oʻzbekiston kabel televideniyesi a’zolari (52 ta xorijiy kanallar) kiradi. OʻEOAVMA a’zolari orasida Sevimli TV, ZOR TV, MY5 va Uzreport telekanallari bor.

Uyushma hamkorlari

• “Rossiya-madaniyat” telekanali
• “Rossiya-1” telekanali
• YUNESKO
• CNBC
• Rossiya Teleradiokompaniyalari milliy uyushmasi (TMU)
• Gyote instituti
• YUNICEF
• Konrad Adenauyer jamgʻarmasi
• Oʻzbekiston Milliy axborot agentligi
• “Oʻzbekkino” Milliy agentligi
• Oʻzbekiston Respublikasi Axborot texnologiyalari va kommunikasiyalarini rivojlantirish vazirligi
• Oʻzbekiston Jurnalistlar uyushmasi
• Oʻzbekiston kasaba uyushmalari Federasiyasi

Uyushma tuzilmasi

• Rahbariyat
• Ekspertlar kengashi
• Taftish hay’ati
• Televideniye sektori
• Radioeshittirish sektori
• Axborot sektori

Loyiha va filmlar

• Euronews, Rossiya-madaniyati, CNBC, BBC telekanallari bilan hamkorlikda “Nukus. Noma’lum jamgʻarma”, “Oʻzbekiston. Ochiq topilmalar”, “Oʻzbekiston: muhabbat haqida afsona”, “Oʻzbekiston. Qumlar va togʻlar ortida”, “Oʻzbekiston – qumlar javohiri”, “Qoraqalpogʻiston. Qumlar zamonida”, “Kattalangar Qur’oni: Fakt va afsonalar”.
• 2017-yil oktabr oyida Tomson Reyters xalqaro axborot agentligi bilan shartnoma imzolandi. Hamkorlik natijasi 9 oylik axborotlar toʻplamiga kirish huquqini qoʻlga kiritish va xalqaro maydonda roʻy berayotgan eng soʻnggi va dolzarb yangiliklarni translyasiya qilish imkoniyatiga ega boʻldi.
• YUNESKOning Oʻzbekistondagi vakolatxonasi OʻEOAVMU va BBC Media Action  tashabbusi bilan “Oʻzbek ommaviy axborot vositalarining jamoatchilik manfaatlarini ta’minlash salohiyatini kuchaytirish” loyihasi amalga oshirildi.
• YUNICEF va OʻEOAVMU oʻrtasida Oʻzbekistonda ayollar va bolalar turmush tarzini hamda farovonligini yaxshilashga qaratilgan bir qator loyihalar amalga oshirildi.
• Jurnalistlarning zamonaviy multimedia maktabini yaratish.