Oksana Domnina
Oksana Aleksandrovna Domnina (ruscha: Окса́на Алекса́ндровна До́мнина; 1984-yil 17-avgust, Kirov, SSSR) — rossiyalik figurali uchuvchi, Maksim Shabalin bilan muz ustida raqs muzobaqalarida qatnashgan. Ular 2010-yilgi Olimpiya bronza medali sovrindorlari, 2009-yilgi jahon chempioni, ikki karra Yevropa chempioni (2008 va 2010-yil), 2007-yilgi Gran-pri seriyasi gʻoliblari va 2003-yilgi oʻsmirlar oʻrtasidagi jahon chempionlari. Oksana Dominina Rossiyada xizmat koʻrsatgan sport ustasi (2009)[1].
| Oksana Domnina | |
|---|---|
 | |
| Shaxsiy maʼlumotlari | |
| Toʻliq ismi | Oksana Dominina |
| Davlat |
 Rossiya |
| Boʻyi | 173 |
| Shaxsiy rekordlari | |
| Umumiy natija | 207.64 |
| Qisqa dastur | 43.76 |
| Erkin dastur | 104.99 |
| Original raqs | 64.68 |
Faoliyati
tahrir
2002-yil may oyida Oksana Maksim Shabalin bilan sport juftiligini hosil qildi. 2003-yilda ular oʻsmirlar oʻrtasidagi jahon chempionatida gʻolib chiqishdi.
2004-yilda Domnina va Shabalin Rossiya chempionatida ikkinchi oʻrinni egallashdi va 2005-yilda birinchi marta ushbu turnirda gʻolib chiqishdi.
Juftlik Xitoyda boʻlib oʻtgan uchinchi (1-oʻrin) va Moskvada oʻtkazilgan beshinchi (2-oʻrin) bosqichlarida juda muvaffaqiyatli chiqishlari natijasida 2006—2007-yillarda figurali uchish boʻyicha Jahon Gran-pri finalida ishtirok etdi. Finalda ular bolgar va kanada juftliklaridan keyin uchinchi oʻrinni egalladi.
2007-yilgi Rossiya chempionatida juftlik ikkinchi marta oltin medalni qoʻlga kiritdi.
2007-yilgi Yevropa chempionatida juftlik (mavsumning koʻplab musobaqalarida boʻlgani kabi) erkin raqs boʻyicha gʻalaba qozondi.
2007—2008-yilgi mavsum Oksana va Maksim uchun muvaffaqiyatli boshlandi — ular Grand Prix World Series finalida gʻolib boʻlishdi. Ammo Rossiya chempionatida Maksimning tizzasi operatsiya qilingani sabab ishtirok eta olishmadi. Qisqa reabilitatsiya davri va jarohatlarning qaytalanish xavfiga qaramay, Domnina va Shabalin Yevropa chempionatida ishtirok etishdi va gʻalaba qozonishdi. Biroq, Maksimning jarohati yomonlashdi va yana jarrohlik talab qilingani tufayli juftlik 2008-yilgi Jahon chempionatida ishtirok etmadi.
2008-yil iyun oyida sportchilar oʻz murabbiylarini oʻzgartirishga qaror qildi. Juftlik Delaverga koʻchib oʻtdi va ularga Natalya Linichuk va Gennadiy Karponosov murabbiylik qildi[2].
Vankuverda boʻlib oʻtgan Olimpiada oʻyinlarida (2010) Oksana Domnina va Maksim Shabalin bronza medallarini qoʻlga kiritdilar, shundan soʻng juftlik Shabalinning tizzasidagi jarohati tufayli sport faoliyatlarini tugatishga majbur boʻlishdi. 2010-yilda Rossiya figurali uchish federatsiyasining hisobot-saylov konferensiyasida Oksana va Maksim FFKKR (Rossiya figurali uchish federatsiyasi) ijroiya qoʻmitasi aʼzolari etib saylandi[3].
Natijalari
tahrir(Shabalin bilan)
| Musobaqa | 2002 — 2003 ㅤ | 2003 — 2004 ㅤ | 2004 — 2005 ㅤ | 2005 — 2006 ㅤ | 2006 — 2007 ㅤ | 2007 — 2008 ㅤ | 2008 — 2009 ㅤ | 2009 — 2010 ㅤ |
|---|---|---|---|---|---|---|---|---|
| Qishki Olimpiya oʻyinlari | 9 | 3 | ||||||
| Jahon chempionatlari | 15 | 10 | 8 | 7 | 5 | 1 | ||
| Yevropa chempionati | 12 | 7 | 6 | 6 | 2 | 1 | WD | 1 |
| Yoshlar oʻrtasidagi jahon chempionati | 1 | |||||||
| Rossiya chempionati | 3 | 2 | 1 | 2 | 1 | 1 | ||
| Gran-pri finali | 5 | 3 | 1 | 2 | ||||
| Gran-pri bosqichlari: Rossiya kubogi | 6 | 4 | 3 | 2 | 1 | 2 | ||
| Gran-pri bosqichlari: Xitoy kubogi | 4 | 1 | 2 | 1 | ||||
| Gran-pri bosqichlari: Skate America | 3 | |||||||
| Gran-pri bosqichlari: Skate Canada | 6 | |||||||
| Skate Israel | 2 | |||||||
| Karl Shefer xotirasi | 1 | |||||||
| Finlandia Trophy | 2 | |||||||
| Yoshlar oʻrtasidagi Gran-pri finali | 1 | |||||||
| Oʻsmirlar oʻrtasidagi Gran-pri bosqichlari, Fransiya | 1 | |||||||
| Belgradda oʻsmirlar oʻrtasidagi Gran-pri bosqichlari | 1 |
WD = musobqani tark etgan
(Bolotin bilan)
| Musobaqa | 2000 — 2001 | 2001 — 2002 |
|---|---|---|
| Yoshlar oʻrtasidagi jahon chempionati | 7 | |
| Oʻsmirlar oʻrtasida Rossiya chempionati | 3 | |
| Yoshlar oʻrtasidagi Gran-pri finali | 7 | 4 |
| Oʻsmirlar oʻrtasidagi Gran-pri bosqichlari, Chexiya | 2 | |
| Oʻsmirlar oʻrtasidagi Gran-pri bosqichlari, Bolgariya | 1 | |
| Oʻsmirlar oʻrtasidagi Gran-pri bosqichlari, Polsha | 2 | |
| Oʻsmirlar oʻrtasidagi Gran-pri bosqichlari, Ukraina | 3 |
Manbalar
tahrir- ↑ „Prikaz Minsportturizma № 325-ng ot 30.11.2009 "O prisvoenii pochyotnogo sportivnogo zvaniya „Zaslujenniy master sporta Rossii“"“. 4-dekabr 2010-yilda asl nusxadan arxivlangan. Qaraldi: 31-oktabr 2022-yil.
- ↑ „Домнина и Шабалин переходят к Линичук“. 22-iyun 2008-yilda asl nusxadan arxivlangan. Qaraldi: 20-iyun 2008-yil.
- ↑ „Оксана Домнина «Сказать: все, заканчиваю! Я пока не готова»“. 12-iyul 2010-yilda asl nusxadan arxivlangan. Qaraldi: 11-iyul 2010-yil.