Omonnazarova Kebegul
Kebegul (Kabegul) Amannazarova (1919-yil, Kotton qishlog‘i, Xiva xonligi) – sovet kolxozchisi. Sotsialistik Mehnat Qahramoni (1950-yil).
| Omonnazarova Kebegul | |
|---|---|
| Tavalludi |
1919-yil Xiva xonligi |
| Vafoti |
noma'lum |
| Fuqaroligi | sovet |
| Kasbi | kolxozchi |
| Mukofotlari | Lenin ordeni, Hurmat belgisi ordeni, Sotsialistik Mehnat Qahramoni |
Hayoti
tahrirKebegul Amannazarova 1919-yilda Xiva xonligining Kotton qish'log'ida tugʻilgan. Millati boʻyicha turkman[1].
1937-yilda Turkmaniston SSR Telman viloyatidagi „Sovet“ (keyinchalik Turkmaniston kolxozi nomini olgan) kolxozida ish boshlagan. U paxta terimida yuqori natijalar koʻrsatib, doimiy kolxozning yetakchi staxanovchilari qatorida boʻlgan. Bu natijalari orqasidan tez orada u Komsomol va yoshlar boʻlinmasi kengashining rahbari boʻlgan. Uning rahbarligi oʻn yil davom etgan boʻlib bu paytda davomida boʻlim paxtakorlar oʻrtasidagi kolxoz sotsialistik musobaqada doimiy ravishda yetakchilik qilgan. Xususan, 1949-yilda Amannazarova brigadasi olti gektar paxta maydonining har bir gektaridan 60,7 sentnerdan hosil olgan[1].
1950-yil 30-iyunda SSSR Oliy Kengashi Prezidiumining Farmoni bilan 1949-yilda sugʻoriladigan yerlarda paxtadan yuqori hosil olgani uchun unga Lenin ordeni va Oʻroq va bolgʻa oltin medali bilan bir qatorda Sotsialistik Mehnat Qahramoni unvoni berilgan[2].
1950-yilda esa shu kolxozga paxtakorlar brigadiri etib tayinlangan.
1951-yilda Butunittifoq Kommunistik partiyasiga (bolsheviklar) aʼzo boʻlgan. 1951-1954 yillarda Turkmaniston SSR Oliy Kengashining 3-chaqirigʻida deputat sifatida ham ishtirok etgan.
1957-yil 14-fevralda u Shon-sharaf belgisi ordeni bilan taqdirlangan. Bundan tashqari, u boshqa koʻpgina medallar bilan ham taqdirlangan. Omonnazarova Kebegul 1969-yilda nafaqaga chiqgan va kasaba uyushmasining eʼtiborga molik shaxsiy nafaqaxoʻrlaridan biri boʻlgan.Umrining oxirgi davrlari o‘zi tug‘ilib o‘sgan Kotton qishlog‘ida yashagan. Oʻlim sanasi maʼlum emas.