Orangutanlar (lotincha: Pongo) — odamsimon maymunlar urugʻining yagona turi (oddiy orangutan). Erkagi gavdasining uzunligi 1,5 m gacha, vazni 200 kg gacha, urgʻochilari kichikroq. Orqa oyoqlari kalta, oldingi oyoklari juda uzun boʻlib, orqa oyoq kaftigacha yetadi. Muskullari kuchli rivojlangan, gavdasi siyrak yung bilan krplangan; yelkasi va boshidagi yunglari uzun; soqol va moʻylovlari bor. Boshi baland; yuzi keng; koʻzlari birbiriga yaqin joylashgan. Quloqlari, koʻzlari va burni kichik. Yuqori labi qalin, tishlari yirik. Sumatra va Kalimantan orangutanlarning botqoqlashgan tropik oʻrmonlarida yashaydi. Daraxtda hayot kechiradi, yerga deyarli tushmaydi. Kechasi daraxt shoxlarida tunash uchun uya quradi. Mevalar, qush bolalari va tuxumlari bilan oziqlanadi. Urgʻochisi va erkagi alohida yashaydi. Tugʻilgan bolasining vazni 1,5 — 2 kg, onasini 3 — 4 yil emadi. Orangutanlar 30 yilgacha yashaydi. Oʻrmonlarning kesilib ketishi va bra-konyerlar ovi tufayli orangutanlar soni juda kamayib ketgan[1].
.png){kind=small}