Osiyo Xalqaro Universiteti

Osiyo Xalqaro Universiteti (Buxoro viloyatida joylashgan xususiy universitetlardan biri) – Osiyo Xalqaro Universiteti Vazirlar Mahkamasi huzuridagi Taʼlim sifatini nazorat qilish Davlat inspeksiyasi tomonidan 2022-yil 10-noyabr kunidagi berilgan 047757-raqamli litsenziyasiga asosan faoliyat koʻrsatishni boshlagan. Oʻzbekistondagi rasmiy OTMlar qatoriga kiradi. Universitet oʻz ichiga qamrab olgan 20 ta bakalavr, 8 ta magistratura, 25 ta ordinatura, 5 ta doktorantura va 4 ta masofaviy taʼlim mutaxassisliklari boʻyicha yoʻnalishlar mavjud boʻlib, abituriyentlar kunduzgi, sirtqi taʼlim bilan birgalikda kechki taʼlim yoʻnalishida ham oʻqish imkoniyatiga ega. Osiyo xalqaro universitetida 3 ta fakultet 7 ta kafedra mavjud boʻlib, 30 dan ortiq dotsent, professor hamda 135 dan ortiq oʻqituvchilar faoliyat koʻrsatib keladi. Universitetda mavjud boʻlgan, 5 ta oʻquv binolari, 28 ta mutaxassislik boʻyicha yoʻnalishlar, 21340 dan ortiq talabalar, 330 ta professor-oʻqituvchilar, 12 ta zamonaviy kompyuterlar bilan jixozlangan xonalar, 30 ta laboratoriya xonalari mavjud.

Osiyo Xalqaro Universiteti

Osiyo Xalqaro Universiteti
Xalqaro nomi	Asia International University (AIU)
Shiori	Ustuvor maqsadimiz-yuqori saviyali kadrlar tayyorlash!
Turi	Universitet
Asos solingan sanasi	2022-yil 10-noyabr
Rektori	Dexkanov Suxrob Sobirovich
Fakultetlar	3
Talabalari	21340 tadan ortiq
Professorlari	330 ta
Joylashuvi	Buxoro shahri, Yangiobod MFY, G`ijduvon ko`chasi,74-uy. , Oʻzbekiston
Kampusi	5 ta
Veb-sayti	https://www.oxu.uz/

Yoʻnalishlar

Osiyo Xalqaro Universitetida Bakalavr va Magistratura yoʻnalishlari mavjud.

Bakalavr yoʻnalishiga quyidagilar kiradi:

• Pedagogika
• Psixologiya
• Boshlangʻich taʼlim
• Maktabgacha taʼlim
• Filologiya va tillarni oʻqitish
• Tarix
• Jismoniy madaniyat
• Iqtisodiyot
• Moliya va moliyaviy texnologiyalar
• Davolash ishi
• Stomatologiya
• Farmatsevtika
• Axborot tizimlari va texnologiyalari
• Konchilik ishi
• Temir yoʻl transporti
• Kimyo sanoati
• Neft va neft-gazni qayta ishlash texnologiyasi
• Energetika muhandisligi

Magistratura yoʻnalishlariga quyidagilar kiradi:

• Boshlangʻich taʼlim
• Pedagogika
• Psixologiya
• Iqtisodiyot
• Jismoniy madaniyat va sport mashgʻulotlari
• Taʼlimda axborot texnologiyalari
• Morfologiya
• Xorijiy til va adabiyoti (ingliz tili)

Fakultetlar

• Ijtimoiy fanlar va texnika fakulteti
• Iqtisodiyot va pedagogika fakulteti
• Tibbiyot fakulteti

Kafedralar

• Iqtisod
• Klinik fanlar
• Umumiy fanlar
• Tarix va Filologiya
• Umumtexnik fanlar
• Pedagogika va Psixologiya
• Jismoniy madaniyat

Rahbariyat

Osiyo Xalqaro Universitetini hozirgi kunga qadar boshqarib kelayotgan rektori Dexkanov Suxrob Sobirovich. Yoshlar siyosati va maʼnaviy-maʼrifiy ishlar boʻyicha Birinchi prorektor Davronova Shaxlo Farmonovna. Universitet Administratsiya boʻlim boshligʻi Dexkanov Bexruz Sobirovich. Oʻquv ishlari boʻyicha prorektor Nurullayev Mirolim Nosir oʻgʻli. Ilmiy ishlar va innovatsiyalar boʻyicha prorektor Ikramov Amirbek Aminovich. Moliya-iqtisod ishlari boʻyicha prorektor Bafoyev Ilxom Inoyatovich.

Xalqaro hamkorlar

Osiyo Xalqaro Universiteti 2-yil ichida 11 ta davlatdagi 17 ta yetakchi universitetlar va 4 ta xalqaro tashkilotlar bilan hamkorlik memorandumlarini imzolagan. Ular Indoneziya, Pokiston, Braziliya, Turkiya, Iroq, Bangladesh, Belarus, Qozogʻiston, Qirgʻiziston, Rossiya, Malayziya davlatlari va yan koʻplab davlatlarning nufuzli universitetlari hisoblanadi. Xususan, ular qatorida Rossiyaning Qozon federal universiteti, Daffodil xalqaro universitet, Istanbul Okan universiteti, Alanya universiteti, Al Mustaqbal universiteti, Lavras federal universiteti, Diponegoro universiteti, Superior universiteti, Novosibirsk davlat texnika universiteti va bir qator nufuzli universitetlar bilan hamkorlikni amalga oshirib kelmoqda.