Pokrovskiy monastiri

Pokrovskiy monastiri
Pokrovskiy monastiri
Umumiy maʼlumot
Tasnifi	Monastr
Manzili	Muhamedqulova ko'chasi 85-uy
Shahar	Doʻstobod
Mamlakat	Oʻzbekiston
Qurilishi tugagan	1917
Dizayn va konstruksiya
Quruvchi	mahalliy armanlar
	Pokrovskiy monastiri

Muqaddas Pokrovskiy monastiri Oʻzbekistonning sobiq Soldatskoye qishlogʻi boʻlgan Doʻstobod shahrida joylashgan Rus pravoslav cherkovining Oʻrta Osiyo mitropolit okrugining Toshkent va Oʻzbekiston yeparxiyasining amaldagi pravoslav monastiridir^[2]^[3].

Tarixi

Turkiston viloyati Rossiya imperiyasi tarkibiga kirgandan soʻng hozirgi Doʻstobod shahri joylashgan hududga ruslar kelib joylasha boshlagan. Yersiz dehqonlar bu yerga boʻsh yerlar qidirib, Rossiyadan kelishadi. Siyosiy jihatdan baʼzi fuqarolar ham bu yerga surgun qilindi. Hukumat kazaklar va faxriy askarlarni ham bu yerga koʻchirdi, ularga sodiq xizmat uchun mukofot sifatida yer uchastkalari ajratildi. 1890-yillarda qochqinlar Volga boʻyi va Voronej viloyatida qurgʻoqchilik va hosil yetishmovchiligi tufayli yuzaga kelgan ocharchilikdan qochish uchun bu yerga koʻchib oʻtishni boshladilar. XX asr boshlarida Turkistonda paydo boʻlgan 120 ta rus qishlogʻi orasida quyidagi qishloqlar bor edi: Voskresennskoye, Blagoveshchenskoye, Bogoroditskoye, Russkoye, Soldatskoye, Chinoz, Yangiyoʻl va boshqa qishloqlar Ohangaronning quyilish qismida vujudga kelgan.

XX asrning boshlarida Soldatskoye qishlogʻida bu yerga koʻchirilgan kazaklar va boy dehqonlar Bibi Maryamning shafoat bayramiga bagʻishlangan birinchi cherkovni qurishdi. Cherkov 1917-yil general-gubernator Konstantin Petrovich fon Kaufmanning ichki siyosati sabab kech foydalanishga topshirildi^[4].

1933-yilda maʼbad buzib tashlangan. 1942-yilda dindorlar frontga ketgan qishloq aholisi uchun ibodat qilish uchun uy sotib olishga muvaffaq boʻlishdi.

Dastlab, 1992-yilda bu yerda Avliyo Troitse Nikolskiy ayollar monastiri tashkil etilgan.

1998-yil 15-avgustda Muqaddas Sinod qarori bilan u Pokrovskiy monastiriga aylantirildi. Shu bilan birga, Toshkent viloyati hokimligi qarori bilan adliya boshqarmasi tomonidan monastir davlat roʻyxatidan oʻtkazildi. Oʻsha paytda monastirda turli millatlarga mansub 12 rohiba boʻlgan.

1999-yilda Mitropolit Vladimirning (Ikim) duosi bilan ular juda vayronaga aylangan eski ibodatxona oʻrnida yangi cherkov qurishni boshladilar va 2013-yilda u yerda mitropolit Vinsent boshchiligida muqaddas marosim oʻtkazildi.

Bugungi kunda monastirda 30 ta rohiba istiqomat qiladi.