Qavola

Qavola — Buxoro viloyati Buxoro tumanidagi qishloq. Qavola — xalq orasida „Qavola Mahmud“ nomi bilan mashhur. Toponim toʻgʻrisida bir-necha farazlar mavjud. Qavola soʻzi „notiq“, „hofiz“ maʼnolarini anglatadi. Toponimga maʼno jihatdan qaraydigan boʻlsak, „Qavola Mahmud“ atamasi Mahmud ismli qaysidir hofiz yashagan qishloqqa nisbatan qoʻllangan, degan fikrga kelish mumkin.. Rivoyatga koʻra esa, qishloqqa Mahmud ismli shaxs va uning qabiladoshlari asos solgan. Shundan qisman oʻzgargan shaklda „Qavola Mahmud“, yaʼni „Mahmudning qabilasi“ atamasi paydo boʻlgan. Qavola soʻzi „kavali“ — „poʻstinli“, „poʻstindoʻz“ (poʻstin tikuvchi) maʼnolarini anglatadi, degan fikrlar ham bor. Bunday holda Qavola Mahmud toponimi „Poʻstindoʻz Mahmud“, Qavola esa „Poʻstindoʻz, poʻstin tikuvchilar qishlogʻi“ maʼnosiga ega boʻladi.